محمد مهران: الفان زون تجربة عظيمة.. وكنت محظوظ بالذهاب هناك

أشاد الفنان محمد مهران بتجربة الفان زون، والتي أقامتها ونظمتها الشركة المتحدة للخدمات الإعلامية بالعاصمة الإدارية الجديدة.

وقال مهران في مداخلة هاتفية لتليفزيون اليوم السابع: " أنا انبسطت جدا لما روحت الفان زون، خاصة إن ماكانش عندى تجارب إن أحضر قبل كدة أو أروح أستاذ أو أحضر ماتشات كورة مع تجمعات كتيرة.

دايما في الماتشات الكبيرة بتلم أنا وصحابى نتفرج عليها فى البيت".

وأضاف مهران: " عشت الأجواء هناك جدا وحسيت إنى أنا فى استاد.

إن عدد كبير أوى كله متجمع على حاجة واحدة، دى بالنسبة لى تجربة حلوة حلوة أوى.

الشاشات هناك والتنظيم هناك.

والناس هناك عاملة مجهود خرافى".

وتابعت الفنان محمد مهران حديثه لتليفزيون اليوم السابع قائلا: " أنا كنت محظوظ أروح أول ماتش بين مصر وبلجيكا واستمتعت جدا.

بس للأسف في المباراة التانية كان ميعادها الفجر ماقدرتش أروح بس إن شاء الله أكرر التجربة فى المباريات المقبلة".

ومن المعروف أن منطقة الفان زون وهى منطقة المشجعين المصرية (Egyptian Fan Zone) في العاصمة الإدارية الجديدة، والتى أقامتها ونظمتها الشركة المتحدة للخدمات الإعلامية، لمشاهدة مباريات كأس العالم هناك على أكبر شاشة فى العالم ناقلة للمباريات وسط أجواء كرنفالية مونديالية.