واحدة غيرها كانت طلبت الخلع، حماقي يكشف معاناة زوجته معه

تحدث الفنان محمد حماقي، عن زوجته نهلة، مؤكدا أنها أضافت له الكثير في حياته المهنية وأنها تحملته كثيرًا أثناء غيابه لفترات طويلة بسبب انشغاله.

وقال حماقي في تصريحات تلفزيونية: في كمية تفاهم كبيرة بيني وين نهلة وهي بتساعدني بشكل غير عادي وطول عمري بسمع أن من أخطر الحاجات على الفنان هي الزواج اللي هو لما يتجوز ممكن حياته المهنية تتأثر أو تتغير لشيء ليس لصالح الفن".

وأضاف: “كنت ساعات بقول خصوصًا الفترة اللي فاتت دي هي إزاي مستحملاني ولو واحدة تانية كانت طلبت الخلع”.

ومن ناحية أخرى، دخل الفنان محمد حماقي في حالة من التأثر الشديد أثناء حديثه عن والده الراحل، حيث لم يتمالك دموعه وبكى على الهواء، معبرًا عن حجم اشتياقه له وتأثير غيابه في مختلف تفاصيل حياته اليومية.

وقال محمد حماقي: “أبويا مكنش في حد زيه، وبشهادة كل اللي حواليه كان حنون جدًا وذكي جدًّا، حتى في تربيتنا، عمري ما زعلت منه، وحتى لما كان بيعاقبني مكنتش بزعل، لأنه كان بيختار طريقة للعقاب تعلم، ومفتكرش إني في يوم حسيت إن أبويا كان قاسي”.

وقال حماقي: “كنت بحس دايمًا إنه خايف عليا، بس محستش إنه إنسان قاسي أو إنسان عنده سلطة عليا، وكان بيسمع كويس جدًا، حتى وأنا صغير، لو قلت حاجة ممكن تبقى تافهة، كان بيهتم بيها.

أنا مفتقده دايمًا”.