حرص تليفزيون اليوم السابع على التواصل مع النجمة الكبيرة صفية العمرى بعد انتشار شائعة وفاتها، والتي ترددت بقوة خلال الساعات الماضية، وطمأنت العمرى جمهورها ومحبيها مؤكدة أنها فوجئت بهذه الشائعة من أصدقائها وأحبابها بالسعودية.
وقالت النجمة الكبيرة صفية العمرى في مداخلة هاتفية لتليفزيون اليوم السابع: " التليفون بتاعى ما بطلش رن من كل مكان فى الوطن العربى.
اتصلوا بيا طول اليوم.
الشائعة دى للأسف الشديد إمبارح الخبر بعتهولى الناس حبايبى في السعودية.
وشوفت الخبر ده للأسف منشور على موقع فاك.
صفية العمرى: ربنا يقدرنى وأقفل الموقع دهوأضافت العمرى قائلة: " ربنا يقدرنى وأقفل الموقع ده، لإنى من بكرة الصبح هرفع قضية، والقضاء هو طريق الحق في مصر.
وإن شاء الله يقفل الأماكن اللى هى بتصدر الوباء والأوبئة والحقارة والسفالة دى.
إحنا كنا في غناء عن الناس والمواقع الغريبة اللى طالعة الفترة دى".
وتابعت العمرى في مداخلتها الهاتفية لتليفزيون اليوم السابع قائلة: " أكيد بإذن الله هقاضيهم.
مواقع بتؤذى الناس.
وتقلق عليهم محبيهم.
موقع فاك وإن شاء الله.
إن شاء الله أنا مش هسكت وأنا خلاص كلمت المحامى بتاعى ومن بكرة الصبح ماشيين في الإجراءات".
التعليقات (0)
لا توجد تعليقات حتى الآن. كن أول من يعلق!
أضف تعليقك