بشرى: "منتخب مصر كسب احترام العالم.. ولازم نتبنى المواهب بالمحافظات"

أعربت الفنانة بشرى، عن فخرها بالأداء الذي قدمه منتخب مصر أمام الأرجنتين، مؤكدة أن الفريق حقق مكاسب كبيرة رغم عدم التأهل، مشيدة بالمستوى الذي ظهر به اللاعبون والجهاز الفني بقيادة الكابتن حسام حسن.

تصريحات بشرى عن منتخب مصروقالت بشرى ببرنامج" تفاصيل": " رغم إن كان نفسنا نتأهل، لكن أنا شايفة إن إحنا كسبنا مكاسب كتيرة جدا وهم كانوا رجالة ولعبوا بجد لعب بطولي، ولعبنا وأخلاقنا هى اللي كانت باينة وبإشادة في الصدارة".

وتابعت: " اكتشفنا مواهب عظيمة عندنا في المنتخب وقدرات المفروض إن إحنا نحييهم كلهم واحد واحد من أعضاء الفريق بقيادة كابتن حسام حسن، ومصر دايما ولادة ونقدر نعمل حاجة لما بنحب ولما بننوي ولما بنبقى كلنا إيد واحدة مع بعض".

وأضافت: " العالم كله بيتكلم علينا، أنا طول اليوم قاعدة بشير كل الأجانب والعرب وكل التحليلات وكل الكلام وكل الإنصاف اللي جاي من العالم كله لينا وللمنتخب وللعب وللانبهار بالفريق بتاعنا، اللي كان حاجة مشرفة جدا".

بشرى تطالب بتبني المواهب بالمحافظاتوأختتم حديثها: " إحنا نتبنى المواهب الشابة في اختبارات الكورة ونغير مسارنا، ولازم نلف المحافظات ونجيب كل الموهوبين من كل محافظات مصر والبراعم اللي موجودة في مصر، وندي فرص أكبر شوية للمواهب الكبيرة اللي موجودة فيكي يا مصر يعني".

في ذكرى وفاة نور الهدى.

تعرف على قصة اسمها الحقيقي وأبرز محطاتها الفنية.