روى إمام عاشور لاعب النادي الأهلي ومنتخب مصر، تفاصيل حادث تعرض له أثناء توجهه رفقة والدته للتدريب بنادي غزل المحلة.
وقال خلال مقابلة مع برنامج «معكم» الذي تُقدمه الإعلامية منى الشاذلي عبر شاشة «on»، إن والدته كانت تحرص على اصطحابه في التوجه للتدريب، مؤكدا أنهما كانا يضطران للمبيت في محطة القطار لعدم توفر مواصلات ليلًا بعد انتهاء التدريب.
وأضاف أنّهما خلال عودتهما من التدريب كانا يستقلان أتوبيس تعرض لحادث باندلاع النيران فيه، وتابع: «كنا قاعدين بجانب الشباك كسرت زجاج الشباك وأصيبت وقتها بخلع في الكتف.
رمتني من الأتوبيس وتم نقلها للمستشفى».
وأوضح أنها بعدما ألقتني خارج الأتوبيس لم تتمكن هي من النزول، وظلت بالداخل إلى أن تمت السيطرة على الحريق، ومع وصول الإسعاف تم نقلها للمستشفى.
وأشار إلى أن الكثير من المواقف مع والدته وكذلك والده، وقال: «فيه أوقات كتير مكنش بيبقى معايا فلوس إني أسافر كان والدي ووالدتي بيستلفوا فلوس علشان أسافر.
أهلي تعبوا معايا جامد وإن شاء الله أقدر أسعدهم».
واستكمل: «كنت حافظ كل حاجة بيعملوها علشاني وقلت إني في يوم من الأيام لما ربنا يكرمني أقدر أعملهم ربع اللي عملوه معايا».
وقال عاشور: «أوقات مكنش بيبقى معاهم 20 جنيه إني أسافر.
كانوا بيستلفوا علشاني.
كل ده شوفته بعيني.
أوقات كتير كانت والدتي مش معاها غير حساب الأجرة اللي بندفعها كانت بتجيب لي بها أكل وبتتصرف.
كل ده حافظه ومش قادر أنساه.
ودائمًا كنت أقولها إن شاء الله هيجي يوم وأقدر أعوضك».
التعليقات (0)
لا توجد تعليقات حتى الآن. كن أول من يعلق!
أضف تعليقك