مسلسلات رمضان 2026، خرج الفنان والمؤلف عمرو محمود يس عبر حسابه الخاص علي موقع التواصل الاجتماعي فيس بوك، ليدافع عن الفنانة ياسمين عبدالعزيز، بعد الهجوم الذي تعرضت له في الأيام الماضية.
وكتب عمرو محمود يس مؤلف “وننسي اللى كان”: " حقيقي أنا مش مصدق اللي بيحصل مع الفنانة ياسمين عبد العزيز، لو تتر اتغير من حاجة لحاجة يبقى ياسمين، لو ممثلة أو ممثل بيقول جملة معينة هنا أو هنا يبقى ياسمين، (طيب أنا رحت فين).
وتابع: “لو حد لابس لبس معين يبقى ياسمين! !، لو شخصية متسمية اسم بعينه يبقى ياسمين.
وأقسم بالله إن هذا غير حقيقي! لأن المسلسل له مؤلف ومخرج ومنتج وستايلست وأقسام تخصصية”.
وأضاف: “إحنا مش هواة.
إحنا بنشتغل وكل واحد فينا بيحترم دور الآخر وكل واحد مسؤول عن اختصاصاته ودوره في العمل.
أكيد بنتشاور وبنفكر مع بعض كلنا للوصول لأفضل قرارات اللي فيها مصلحة المشروع.
بس الموضوع كله تصفية حسابات للأسف الشديد، وهي بقت مش عارفة تعمل إيه لما تطلع ترد الناس تقول لها بتردي ليه؟ ولما تسكت الناس بتصدق الاتهامات”.
وقال: " حقيقي أنا بشفق عليها ولكن اللي بيخليني أهدى إن ياسمين قوية جدا جدا جدا وبتقابل ده كله بسخرية وضحك، وبترد تقولي أنا مش شايفاهم، بس أنا متعود أواجه، والناس اللي بتتابعني عارفين عني ده، ولازم الجمهور يعرف الحقائق، لأن انا بعتبر الهجوم على ياسمين هو جزء من الهجوم على مشروعي، اللي كلنا بنبذل فيه مجهود كبير جدا جدا.
وربنا يصلح حال الجميع.
وخالص التقدير والاحترام للجميع.
وتواصل ياسمين عبدالعزيز وكريم فهمي تصوير عدد من مشاهد العمل داخل ديكور العمل الرئيسي، وهي فيلا النجمة “جليلة” التي تقدمها بطلة العمل.
وكانتا قد كشفت النجمة ياسمين عبد العزيز عن البرومو الرسمي لمسلسل" وننسى اللي كان" والذي من المقرر أن يشارك في الموسم الرمضاني لعام 2026.
تفاصيل وأحداث مسلسل وننسي اللي كان.
وتدخل الفنانة ياسمين عبد العزيز، خلال أحداث المسلسل، في حالة عزلة تامة بسبب الشائعات التي تطاردها، حيث ترفض شخصية «جليلة» الظهور الإعلامي لفترة، ما يؤثر بشكل كبير على حالتها النفسية.
ويشارك في بطولة مسلسل «وننسى اللي كان» نخبة من النجوم، أبرزهم: كريم فهمي، باسم سمرة، خالد سرحان، محمد لطفي، ليلى عز العرب، شيرين رضا، منة فضالي، محمود حافظ، إدوارد، إنجي كيوان، إلهام وجدي، وإيهاب فهمي.
التعليقات (0)
لا توجد تعليقات حتى الآن. كن أول من يعلق!
أضف تعليقك