أثار عمار حسن مبروك سائق توك توك، الجدل خلال الساعات الماضية، بعدما ظهر خلال أحد مقاطع الفيديو وهو يروي لأحد الركاب كواليس بطولاته التي حققها في رفع الأثقال باسم مصر، مستعرضاً عدد من الميداليات والصور.
وقال عمار في الفيديو: " أنا عملت اللي محمد صلاح معملوش هو جاب جميع البطولات أنا متفوق عنه بكتير".
وأضاف: " أنا عمار حسن مبروك، بطل عالم في رفع الأثقال، جايب 3 عالم في الجزائر 2014، وجبت أول أفرو آسيوية في 2014 بأوزبكستان، وأول أفريقيا في تونس وأول العرب في المغرب كازابلانكا، أنا الوحيد اللي عامل الكلام ده في مصر أنا من الفيوم".
وتابع حديثه: " كنت بلعب رفع أثقال، معايا صور ومعايا شهادات وميداليات ومعايا جرنان السنة اللي فاتت، أحمد عبدالعزيز اللي كان دكتور في النادي الأهلي وهو اللي منزل الكلام ده في الجرنان".
وواصل: " أنا كنت في أولمبياد ريو دي جانيرو، واللي سافر مكاني في 2020 معملش ربع اللي عملته، بس أنا بشتغل على التوك توك عشان أصرف على البيت ومحدش بيسأل فيا".
وأتم تصريحاته: " المكافآت اللي كانت بتنزل في البطولات الأفريقية مكانتش باخدها، جايب ثالث عالم وماخدتش أي حاجة وده حصل في عهد خالد عبدالعزيز وزير الشباب والرياضية، روحت لأشرف صبحي طلبت منه يعالج رجلي مسألش فيا".
التعليقات (0)
لا توجد تعليقات حتى الآن. كن أول من يعلق!
أضف تعليقك