حل الميجا ستار عمرو مصطفى ضيفا على برنامج" أكتر حاجة"، من تقديم خلود نادر على إذاعات راديو النيل.
في السطور التالية.
أبرز تصريحات عمرو مصطفى خلال الحلقة:
- أكتر حاجة بتفرحني لما بشوف ولادي.
- أكتر عادة مبسوط إني اكتسبتها هي تقليل العصبية، وأكتر عادة نفسي أبطلها السجاير.
- أكتر صفة أحب إنها تكون في صحابي الوفاء والانتماء.
- أكتر حاجة بتضايق منها في التعامل، هي النفاق واختلاف الكلمة والميعاد والوقت، فلو حد قالي أشوفك الساعة 7 لازم يكون موجود بالدقيقة.
- أكتر قرار أخدته وكنت مبسوط بيه جدا التسامح، وبقيت أسامح الناس كلها.
- أكتر حاجة بحبها في شغلي الشغف اللي عندي.
- أكتر مكان نفسي أسافر له الفترة الجاية الأقصر وأسوان.
- أكتر حاجة اشتغلت عليها عشان أوصل لمكاني دلوقتي هو الضمير.
- أكتر دعاء قريب لقلبي" اللهم حسن الخاتمة".
- أكتر عادة رمضانية بحبها المغرب وإحنا بنحضر الفطار.
- أكتر ذكرى بحبها لحد دلوقتي المحلات بتاعة المخللات في الحسين، وننزل الجامع و نقرأ جزء من القرآن.
- أكتر حاجة بتضحكني ابني الصغير سليمان.
- أكتر موقف غير حياتي تماما" تعبي الأخير".
- أكتر مشروب بحبه هو الخروب والسوبيا.
- أكتر حاجة مفتقدها جدا أمي وأبويا.
- أكتر فيلم أثر فيا أوي فيلم" النمر الأسود"، للفنان أحمد ذكي.
- أكتر أكلة أحب أكلها الجبنة بالطماطم.
- أكتر دولة بحبها المدينة المنورة، وأكتر بلد بسافرها كتير برشلونة وميلانو.
- أكتر حاجة بتونسني في الحياة أولادي.
- أكتر لحن بحبه لنفسي لسه هتسمعوه الفترة الجاية.
- أكتر مهرجان بحب أسمعه" إخواتي".
- أكتر مطرب شعبي أحب أشتغل معاه الفترة الجاية" الليثي".
التعليقات (0)
لا توجد تعليقات حتى الآن. كن أول من يعلق!
أضف تعليقك