أكد الملحن والمطرب عزيز الشافعي، أن اللمة والتجميعة من أكثر العادات التي يحبها في رمضان، كما أشار إلى أن أكثر ما يريد أن يعيشه مرة أخرى هو بدايات نجاحاته التي حققها في بداية مشواره الفني.
وجاءت تصريحات الفنان عزيز الشافعي لبرنامج" أكتر حاجة"، تقديم خلود نادر على إذاعات راديو النيل، على النحو التالي:
أكتر حاجة بتفرحني إني أفرّح الناس اللي بحبهم، وأكتر كلمة بحب أسمعها برافو أحسنت.
التردد أكتر عادة نفسي أبطلها، وأكتر عادة بحمد ربنا إني اكتسبتها هي الالتزام.
أكتر صفة بحبها في صحابي الجدعنة.
أكتر لحظة أتمنيت أرجع أعيشها تاني البدايات الأولى في نجاحاتي.
أكتر بلد نفسي أسافر له الفترة الجاية لبنان، بحبها جدا.
أكتر حاجة اشتغلت عليها في مشواري عشان أوصل لمكاني دلوقتي هي إني ما أصدقش المكان اللي أنا فيه دلوقت.
أكتر عادة بحبها في رمضان اللمة والتجميعة، ومشاهدة مسلسلات رمضان، وصلاة التراويح والفجر.
أكتر ذكرى بفتكرها دايما في رمضان، الطريقة اللي كنا بنعيش بيها مع أبويا وأمي في بيتنا زمان.
أكتر فيلم أثر فيا أوي فيلم أسمه about time.
بحب أسمع صوت عبدالوهاب في أي حاجة حتى لو بيتكلم.
أكتر حاجة بخاف منها انقطاع الوحي أو الإلهام، كل فنان بتعدي عليه فترة بيخاف إن الحياة حواليه تكون خلصت.
أكتر حاجة بتونسني المزيكا، وبحب أسمع الحاجات اللي بتتكلم عن الفلسفة والأديان.
مبسوط بحياتي مش عايز حاجة فيها تتغير، وبتمنى بس إنها تفضل بنفس الهدوء والستر.
بحب شغلي كله بس في محطات نجحت معايا، أخر حاجة نجحت ليا أغنية بهاء سلطا.
التعليقات (0)
لا توجد تعليقات حتى الآن. كن أول من يعلق!
أضف تعليقك