”حياتي معاه جحيم”.. حكاية زوجة دمرها عنف زوجها 5 سنوات

وقفت سيدة مكسورة أمام القاضي تطلب حقها القانوني، قائلة: " تعبت أوي فضلت مستحملة عشان خاطر عيالي بس خلاص تعبت من الضرب عشان أقاطع أهلي".

حكيت الزوجة أمام القاضي بمرارة قائلة: " يا سيادة القاضي، أنا بقالي 5 سنين متجوزة وبحاول أحافظ على بيتي، لكن جوزي بيجبرني على حاجة صعبة جدًا، وهي إني أقطع علاقتي بأمي وأهلي نهائيًا، ولما كنت برفض وأتمسك بحقي في بر أمي، كان بيعتدي عليا بالضرب المبرح ويهينني، وحياتي معاه اتحولت لجحيم وخوف مستمر من بطشه".

واكملت الزوجة كلامها والدموع في عينيها: " أنا مش طالبة غير رحمة ربنا وإنصافكم، لأن الضرب بقى وسيلة يومية عشان يكسرني ويخليني وحيدة من غير سندي، وأنا مقدرش أعيش في بيت بيتهان فيه أهلي وبتعرض فيه للضرب لمجرد إني عايزة أكلم أمي، فجئت للمحكمة عشان أرفع دعوى طلاق للضرر وأسترد كرامتي اللي ضاعت.

"واستطردت في حديثها قائلة: " الخمس سنين اللي فاتوا كانوا عبارة عن سجن، كان بيمنعني حتى من زيارة أهلي في المناسبات، ولو عرف إني كلمت حد فيهم في التليفون كان بيمد إيده عليا بقسوة، لحد ما حسيت إن روحي بتنسحب مني، ومبقتش قادرة أتحمل الإهانة والضرب أكتر من كدة".

دفاع السيدة: الزوج يعنف زوجتهوهنا تدخلت المحامية نهى الجندي قائلة: " سيدي الرئيس، دفاعنا يرتكز على أن موكلتي تعرضت لضرر مادي ومعنوي جسيم، فالزوج استعمل العنف والضرب المبرح وسيلة لإجبارها على قطيعة الرحم، وهذا يتنافى مع أصول المعاشرة بالمعروف، وبناءً عليه نطلب التطليق للضرر لاستحالة العشرة، فليس من حق الزوج حرمان زوجته من أهلها أو الاعتداء عليها بالضرب مهما كانت الأسباب".