وقالت نرمين الفقي خلال لقائها في برنامج كلمة أخيرة تقديم الإعلامي أحمد سالم على قناة ON، إن المنتج ريمون مقار هو من أقنعها بتقديم هذا الدور، رغم تخوفها الشديد في البداية، موضحة: " كنت متخوفة جدا وريمون أقنعني، وكلنا كنا في المكتب خالد الصاوي وأحمد عيد وريمون وقالهم اقنعوها، وأنا قلت له أني معملتش النوعية دي من الأدوار، وقال لي لازم تجددي وتغيري جلدك، ولما بدأت أقرأ حبيت القصة جدا".
وأضافت نرمين الفقي: " حبيت في البداية مشاعر واحاسيس الأم اللي أخدت القلوب، ومشهد وفاة ابنها كان متعب جدا واتصور تقريبا 3 مرات وكل مرة بعمله بنفس الطريقة إن مكنتش بحاول أكون أحسن لدرجة في المرحلة التالتة بيقوموني مش قادرة اقوم قلت ليهم سبوني أنا هبقى كويسة، فالتدرج في الشخصية والأداء ده في حد ذاته كويس جدا ومفيش شر مطلق، وليه أسباب أنها ليه عملت كده ومش معنى كده إني مع فايقة في شخصيتها وأكيد مش مقتنعة بده، لكن لازم اكون مقتنعة بالدور اللي بأديه بشخصيتها وروحها وتفكيرها وإيمانها، وده نتاج ابنها اللي توفى بسبب جوزها وجوزها اللي اتجوز عليها".
وأشارت إلى أنها تذكرت وفاة والدتها في مشهد بكائها على وفاة نجلها في المسلسل، وقال: " أنا في اليوم ده كنت عمالة أقول ماما ماما.
الأحداث اللي زي دي بتفكرنا بحاجة تخليك تتأثر وأنا كنت مرتبطة بوالدتي جدا".
وتابعت نرمين الفقي: " الشخصية روحها في أولادها، وعملت كل ده علشان خاطر عيالها، حتى الفلوس في الآخر لما خالد الصاوي بيقولها إنتي بتسرقيني.
قالت له أنا لو عاوزة أسرقك كنت خدتها ليا مش لابنك".
التعليقات (0)
لا توجد تعليقات حتى الآن. كن أول من يعلق!
أضف تعليقك