يواصل أبطال مسرحية «يمين فى أول شمال» عرضها على خشبة مسرح السلام، بعد النجاح الكبير الذي حققوه بأكثر من 50 ليلة عرض، حيث كشفوا في تصريحات خاصة لـ«الوطن»، عن كواليس وأسرار العرض.
عبد الله صابر بطل ومخرج المسرحية، تحدث عن العرض قائلا: «احنا الليلة 50 والحمدلله العرض عليه إقبال كويس جدا، بنغير كل شوية حاجات عشان اللي جه وعايز ييجي تاني يتبسط».
مخرج وبطل العمل تحدّث عن رسالة المسرحية، قائلا إنّهم تتحدث عن البسطاء في الفن والحياة بشكل عام، وعن قيمة وأثر توجيه الشكر لهم على ما يقدمونه للمجتمع من خدمات.
وقالت بطلة المسرحية أمنية حسن، إنّ الموضوع الأشمل بالنسبة لها في مسرحية «يمين في أول شمال» هو مدى تأثير الكلمة الطيبة عندما نرضي بها الأشخاص الذين نتعامل معهم، تقول: «بعمل دور زوجة شغوفة جدا بالمسرح والسينما ومقضية حياتها كلها قدام التليفزيون لأن جوزها مقضي أغلب وقته في الشغل، فمش لاقية حد يقولها كلمة حلوة، رغم إنهم بيحبوا بعض جدا، لكن فكرة إنّ الحياة والروتين بتاخد الناس من بعض، وهنا العرض بيقولك خد بالك مفيش حاجة مضمونة للآخر، مش معنى إني مراتك إنك ضامني، لازم نلاقي كلمة نعبر بيها».
وأضاف الفنان إيهاب محفوظ أحد أبطال العمل، أنّ الرسالة التي يريدون إيصالها للجمهور، أنّ الإنسان مهما كان دوره صغيرا في الحياة فهو شخص مهم ويحتاج إلى أن يراه الآخرون، ويقدرون دور في الحياة مهما كان بسيطا.
وتابع: «الناس المهمشة اللى ممكن تبقي معدي في الشارع ومش واخد بالك منهم أصلا دول ليهم حياتهم ومشاعرهم ومشاكلهم وأحلامهم وممكن نلاقي جواهم كم من الطاقة والحب يعملوا بيها حاجات عظيمة واللي قدامه مش مدرك ده».
التعليقات (0)
لا توجد تعليقات حتى الآن. كن أول من يعلق!
أضف تعليقك