سارة سلامة تخطف الأنظار بإطلالة كاجوال

نشرت الفنانة سارة سلامة صورة جديدة لها من خلال حسابها الشخصي إنتسجرام.

وظهرت سلامة في الصور بإطلالة كاجوال أنيقة وتسريحة شعر مناسبة ومكياج ناعم ابرز جمالها.

وكانت قد كشفت الفنانة سارة سلامة، طبيعة علاقتها بوالدها الفنان أحمد سلامة، وكيفية الأخذ برأيه في أعمالها الفنية التي تقدمها، كما تطرقت إلى الحديث عن الفنان محمد رمضان ودوره في حياتها ونصائحه لها.

وتابعت سارة سلامة خلال لقائها ببرنامج “كشف حساب”، الذي تقدمه الإعلامية إنجي هشام عبر شاشة “هي”: بابا صاحبي جدًا، ولما الناس بدأت تنتقد كتير، بيتقال حاجات مش حقيقة، أنه ضربني وضربنا بعض، معرفش الناس بتجيب ده منين، بابا ده صاحبي، وبحب الصحوبية معاه وصديقي المقرب وهو مش قاسي حنين جدًا وبيقف مع الناس وبيعرف ازاي بيتعامل مع المرأة.

واستكملت سارة سلامة: كنت اتظلمت الفترة الأولى لما دخلت التمثيل، بسبب الجرأة وكنت صغيرة ولسه بتعلم، وبابا لما كان يشوف ده يقول متمردة، ولو حصل منه حاجة أو علق على برنامج بعاتبه وأقوله أنت ليه شايفني كده وأسمع رأيه، وهو لو ايه حصل بييجي يصالحني.

وتحدثت سارة سلامة عن علاقتها بالفنان محمد رمضان وصداقتهما من بعد نجاحهما في مسلسل ابن حلال قائلة: محمد رمضان صديق مقرب ليا جدًا وبشوف أنه وش السعد عليا، بحب أتكلم معاه جدا وأخد رأيه في كل حاجة، وبيديني أمل في الحياة ومبيخليش حاجة تأثر، بيخليني عايزة أقوم أكسر الدنيا، ومش هيجي زيه تاني في التمثيل.

هو مش بيستفز الناس هو طيب جدًا ولكن في ناس شغلها في الحياة أنها تنتقد، لو عملتي عمرة ينتقدوا، لو اتحجبتي وقعدتي في البيت دول مش هنخلص منهم.