أعرب الفنان وائل جسار عن حزنه الشديد، بوفاة صديقه الفنان هاني شاكر، الذي رحل عن عالمنا صباح اليوم بعد أزمة صحية تعرض لها.
وجاءت تصريحات الفنان وائل جسار، لبرنامج لحد ما توصل، تقديم نيرة شريف وتامر جابر، على إذاعة نغم FM، عن وفاة أمير الغناء العربي هاني شاكر:- البقاء لله فى وفاة النجم هاني شاكر، وفاته خسارة كبيرة، وفقدنا قيمة وقامة لا تعوض في الفن العربي، وأستاذ هاني شاكر قدوة لكل فنان بيعرف يغني.
- أنعي كل جمهور الوطن العربي وعيلته، وأقول لهم ربنا يصبركم على هذا المصاب الأليم.
- بصفتي الشخصية كان لي حظ أن أكون صديقا لهذا العملاق الكبير اللي تعلمنا منه كتير، وكان فيه لقاءات كتير ما بيني وبينه مع زوجتي وزوجته.
- الضحكة كانت مش بتفارق وجهه، وعلمنا إزاي نحب الحياة، ودايما كنا بندعيله كل يوم عشان يقوم بالسلامة، ولغاية دلوقتي صراحة أنا مش مصدق اللي حصل.
- كل الكلام قليل عن هذا العملاق، لأن كل الناس بتعرف قد إيه كان متواضع، وقد إيه كنا فخورين بيه، وقد إيه كان بيعلم كل الفنانين إزاي يكون الفنان مع الناس، وبيغني للناس من كل قلبه.
- ولا مرة كنا قاعدين سوا إلا والنكت والضحكة كانوا دايما حاضرين، وكان بيسرقنا الوقت وما نحسش بيه.
- زي ما أنا ابن لبنان أنا كمان ابن مصر الحبيبة، مصر اللي هي دايما مدياني أكتر ما بستاهل.
- هاني شاكر كان دايما يقولى: " وائل أنت من أكتر الناس اللي أنا بحب صوتهم، وأكتر فنان بيمس مشاعري".
التعليقات (0)
لا توجد تعليقات حتى الآن. كن أول من يعلق!
أضف تعليقك