تحدثت الفنانة روان الغابة عن كيفية استعدادها لتجسيد شخصية كابتن إيلا، وهي المتحدثة باسم الجيش الإسرائيلي للإعلام العربى، حيث قالت خلال ظهورها كضيفة على تليفزيون اليوم السابع: " كل ممثل وليه بصمة.
ليك الطريقة بتاعتك.
الفنان الكبير أحمد زكى عمل شخصية السادات وفيه غيره عملوا نفس الشخصية لكن بطريقة أخرى ومش بنفس الجودة".
وعن فكرة التحضير للشخصية ومن أين أتت بطريقة حديثها وأدائها، قالت الفنانة روان الغابة: " أنت هنا بتقدم رمز عندهم ببمثل إسرائيل كلها.
وفيه متحدث تانى وأكيد لما عملنا بحث عملنا بحث على كل الشخصيات هناك، وعن كذا موضوع.
وعايزة أشكر المؤلفين على ورق المسلسل كان زكى جدا".
وبسؤالها عن ماذا فعلت بعد تصريحات كابتن إيلا ضدها بعد مشاهدتها المسلسل خلال شهر رمضان الماضى، قالت الفنانة روان الغابة: " الأول اتغاظت وبعد كدة الناس اللى حواليا بيقولولى أنتى كدة دورك أثر فيهم وعلم مع الناس.
بس كان لازم أرد.
عشان حسيت إن ربنا حطنى في مكانة صوتك مسموع فيها.
ما ينفعش الموضوع يكون كدة.
كنت شايلة هم الرد عليها، وفى الأخر فعلا رديت، ولكن رديت بفيديو لفلسطين بكل اللى بيحصل فيها.
خاصة إنها طلعت اتكلمت والسوشيال ميديا بقت مفتوحة وبتقول أي كلام فممكن أي حد يصدقه.
روان الغابة: بشكر بيتر ميمى على صحاب الأرض وماكنتش عارفة هتكلم عبرى ولا غزاوىوقالت روان الغابة: " عايزة أشكر الدكتور بيتر ميمى إن هو أدانى الفرصة دى وإنه هو وثق فيا.
الترشيح جه عن طريق الكاستينج دايركتور إبراهيم أشرف، ووقتها قابلت دكتور بيتر وأتكلمنا.
ووقتها كانوا بدأوا تصوير في البدايات خالص.
ففي البداية كان موضوع صعب لإنى هتدخل أتكلم 3 لغات".
وأضافت روان الغابة قائلة: المخرج بيتر ميمى كان عارف إنى كنت عايشة في أمريكا.
عشان كدة كان مطمن من ناحبة اللغة بالإضافة إلى اللغة الغزاوية والعبرية.
كنت بروح التصوير ومش عارفة اليوم ده هتكلم بالإنجليزى ولا الغزاوى ولا العبرى.
وفى بعض الأحيان كنت في يوم واحد بتحدث الـ 3 لغات ولهجات.
التعليقات (0)
لا توجد تعليقات حتى الآن. كن أول من يعلق!
أضف تعليقك