تحدثت النجمة الكبيرة لبلبة عن مدى قربها من أسرة الزعيم عادل إمام، وذلك بالتزامن مع الاحتفال بعيد ميلاده اليوم 17 مايو، حيث قالت خلال مداخلة هاتفية لتليفزيون اليوم السابع: " ولاده رامى ومحمد وسارة بعتبرهم ولادى.
ومدام هالة حبيبتى هي اللى ربت ولاده دول، وهى اللى وقفت جنب الأستاذ عادل إمام.
والأستاذ عادل أبتدى بأدوار صغيرة أوى وبعدين أكبر وبعدين أكبر.
عشان كدة هو مش طلع على غفلة.
ده مشواره يُدرس".
وأضافت لبلبة خلال حديثها قائلة: " وأنا بصور معاه لما يجيلى عمل تانى أو دور مهم أو تكريم هو كان بيبقى فرحان بيا.
أو حتى لو عملت مشهد حلو قدامه كان بيساعدنى على إنى أطلع أفضل ما عندى.
وأنا كنت بحس بيه وبحس بنبض قلبه إزاى هو بيعشق فنه وبيعشق جمهوره.
وإزاى هو بيحس بنبض الشارع.
الجمهور كان بيحس إن هو واحد منهم".
لبلبة: عادل إمام مفيش زيه ولا يمكن يكون وأجمل أيام حياتى وقت شغلى معاهحرصت النجمة الكبيرة لبلبة على تهنئة الزعيم عادل إمام بعيد ميلاده والذى يحل اليوم 17 مايو، حيث تحدثت عن ذكرياتها معه خلال مداخلة هاتفية لتليفزيون اليوم السابع، وقالت: " بقوله كل سنة وأنت طيب يا أعظم فنان وأعظم إنسان وعشرة طويلة أوى بينى وبينه مش عايزة أقول أرقام بس يمكن 40 سنة ويمكن أكتر".
وأضافت لبلبة خلال مداخلتها لتليفزيون اليوم السابع: " أجمل أيام حياتى هي اللى أنا اشتغلت فيها مع عادل إمام.
كل شيء متوضب جاهز.
أى فنان بيشتغل مع عادل إمام بتلاقى كل حاجة متوضبة وهو راجل منظم جدا.
وعنده نبل في الأخلاق، وبعدين بيعمل أسرة بنحس إن كلنا عيلة واحنا بنصور.
بناكل مع بعض ونفكر مع بعض.
أنا شخصيا بكون مستريحة وأنا بشتغل مع عادل إمام.
عمرى ما لقيت حاجة محذوفة في عمل ليا وأنا بشتغل معاه.
زى ماقريت الفيلم أو المسلسل بلاقى كل حاجة صورتها بالمللى".
وتابعت لبلبة خلال حديثها قائلة: " الأستاذ عادل إمام مفيش زيه ولا يمكن يكون.
هو أهم إنسان في حياتى وما أقدرش.
هو عيلتى بعد ربنا وأمى".
دويتو مميز بين عادل إمام ولبلبةومن المعروف أن النجمة الكبيرة لبلبة قدمت دويتو مهم ومميز مع الزعيم عادل إمام سواء في السينما أو الدراما التليفزيونية منها أفلام" خلى بالك من جيرانك"، و" البعض يذهب للمأذون مرتين"، و" احترس من الخط" و" عصابة حمادة وتوتو"، و" عريس من جهة أمنية"، و" حسن ومرقص"، وغيرها، وفى الدراما التليفزيونية قدمت معه مسلسلى" صاحب السعادة" و" مأمون وشركاه".
التعليقات (0)
لا توجد تعليقات حتى الآن. كن أول من يعلق!
أضف تعليقك