الحضن مش رفاهية ده شاحن الأنثى الرسمي

في حاجات كتير الرجالة فاكرة إنها أسرار الستات، مع إنها واضحة أكتر من الشمس في عز الضهر.

ومن أهم الحاجات دي إن الست، مهما كانت قوية، ناجحة، مستقلة، عنيدة، أو حتى عاملة فيها الحديد والصلب… جواها طفلة صغيرة نفسها تتحضن.

الراجل ممكن يشحن بطاريته بخروجة مع صحابه، ماتش كورة، قعدة على القهوة، أو حتى يشتري مفك جديد ويقعد يبصله ساعتين وهو مبسوط.

بطاريتها ليها شاحن مختلف خالص.

وتيجي بعده مباشرة الطبطبة.

من أول ما البنت تتولد وهي مبرمجة على الإحساس بالأمان والاحتواء.

هتلاقي الولد الصغير بيزن علشان يجيبوله عجلة أو مسدس خرز أو يفتحله لعبة على الموبايل.

غالباً هتلاقيها لازقة في أبوها كأنها ملزوقة بأمير.

الولد نازل يلعب كورة في الشارع.

والبنت قاعدة جنب مامتها، حاطة دماغها على رجلها ومستمتعة بأعلى درجات السعادة البشرية.

الولد عضلات وجيم وبروتين وكرياتين.

والبنت قاعدة جنب أبوها على الكنبة وهو بيمسح على شعرها.

هو فاكر نفسه كريستيانو رونالدو الكلية.

وهي قاعدة تتخيل الشخص اللي هيشاركها عمرها كله.

بس لو دخلت جوه تفاصيل الحلم هتلاقي نفسها متخيلة مشهد بسيط جداً…ولا حتى نص كيلو كاجو من عند الموفق.

عشان كده ساعات الرجالة تستغرب.

“إزاي يعني زعلانة؟ ما أنا موفر كل حاجة! ”الست ممكن تنسى هدية غالية بعد أسبوع.

لكن عمرها ما تنسى حضن جالها وقت انهيارها.

لكن عمرها ما تنسى إيد اتمسكت فيها وهي خايفة.

لكن عمرها ما تنسى كلمة: “أنا جنبك.

”الست بطبيعتها بتتغذى عاطفياً.

والكارثة إن بعض الرجالة فاكرين إن الرومانسية دي دلع فارغ.

تلاقيه داخل البيت عامل زي مندوب تحصيل.

قاعد قدام التلفزيون كأنه مراقب جودة في مصنع.

ناقصها إنك تحسسها إنها موجودة.

في ستات كانت ممكن تطلب قصور.

بس اللي محتاجاه فعلاً حضن خمس دقايق.

وفي رجالة فاكرة إن الرجولة معناها البرود.

مع إن الحقيقة العكس تماماً.

الراجل القوي مش اللي بيعرف يكسر.

الراجل القوي هو اللي يعرف يحتوي.

من غير ما يحولها لمحاضرة في إدارة الأزمات.

المشكلة إن بعض الأزواج بيكتشفوا متأخر إن مراتهم اتغيرت.

والشكوى دليل إن لسه فيه أمل.

الصمت بيبقى إعلان انسحاب تدريجي.

عشان كده لما تلاقي مراتك بطلت تيجي تقعد جنبك…بطلت تحكيلك تفاصيل يومها…يمكن فضلت تستنى حضن سنين.

ربنا سبحانه وتعالى لما جعل المودة والرحمة بين الزوجين ماكانش بيتكلم عن الإيجار والكهرباء والغاز.

عن القلب لما يلاقي مكان يرتاح فيه.

وفي الآخر أحب أقول لكل زوج…قبل ما تدور على حل للمشكلة.

وقبل ما تسأل هي اتغيرت ليهآخر مرة حضنتها من غير سبب كانت إمتى؟لأن الست لما تتشبع حب واحتواء…بتبقى قادرة تنور بيت كامل.

ولا ألف نجفة هيعرفوا ينوروا عينيها.

كل اللي محتاجاه مش حل للمشكلة….