رانيا محمود ياسين تنعى سهام جلال

شاركت رانيا محمود ياسين صورة للراحلة عبر حسابها الرسمى بموقغ إنستجرام وكتبت: الله يرحم سهام جلال ويغفر لها ويثبتها عند السؤال.

للأسف مكنتش أعرفها شخصيًا لكن كنت بحبها.

ياريت الاهتمام ده كان وهي عايشة لكن للأسف الدنيا كده لما راح المقبرة بقى حتة سكر.

اللي عايزة أقوله إن الشغلانة دي مفيهاش حاجة اسمها أصحاب والله ولا في أي شغلانة هي الحكاية كفاءات أو محسوبية.

تابعت: في مهنتنا بالتحديد كل ما تبقى جديد وفريش تبقى مطلوب أكتر ومحدش يلوم النجوم ويقول إنهم خذلوا اللي طلب منهم شغل لأن النجم أحيانًا بيكون مش لاقي حاجة مناسبة للطالب منه العمل معاه كمان النجوم بيغيروا أرقامهم كتير من وقت للتاني وممكن تطلبوا على رقم غلط وتتخيلوا إنه تجاهلك وأحيانًا بيكون مشغول جدًا في تحضير أعماله.

أضافت: الحقيقة إن في صعوبة شديدة في الميديا وناس كتير قاعدين في البيت والشغلانة فعلًا مالهاش كتالوج ولا بتبقى عارف ده ليه بيشتغل وده ليه مش بيشتغل.

تابع بوابة الجمهورية اون لاين علي.