طمأنت الإعلامية دينا شرف الدين زوجة الفنان الكبير أحمد عبد العزيز، الجمهور على صحته، وقالت في تصريحاتها فى مداخلة هاتفية لتليفزيون اليوم السابع: " أولا متشكرة جدا على الحب ده كله.
الاهتمام والتليفونات الكتيرة اللى جاتلى من كل حتة عشان تطمأن على أحمد.
لكن الحقيقة حكاية العناوين المثيرة الهدف من ورائها تحقيق نسبة مشاهدات وتعليقات وتريند".
وأضافت الإعلامية شرف الدين في تصريحاتها لتليفزيون اليوم السابع: " ظاهرة موجودة في مصر للأسف بقالها مدة ومافيش فايدة.
مهما تقول ياجماعة ماتعملوش أى قلق وماتخضوش الناس.
أنا جالى تليفونات من ناس ماكلمونيش بقالهم سنين.
ومن أسرتنا البعيدة الموجودين في كل حتة أتخضوا.
والحمد لله مافيش حاجة".
وتابعت زوجة الفنان الكبير أحمد عبد العزيز حديثها في مداخلة هاتفية لتليفزيون اليوم السابع قائلة: " قلت مافيش حاجة.
كل الحكاية إن كان عنده إجهاد في الأحبال الصوتية.
شوية إلتهابات حادة.
وكلام مش جديد الكلام ده بقاله 3 شهور.
وده ظهر بعد مسلسله الأخير" البخت"، واللى أتعرض فى رمضان.
والحمد لله العملية أتعلمت على خير ومافيش حاجة.
كل الحكاية إن الموضوع بياخد شوية وقت عشان الصوت يرجع لطبيعته".
دينا شرف الدين: أحمد عبد العزيز سافر أول مارس ألمانيا وأجرى العملية هناكوعن طبيعة العملية التي أجراها وموعدها، قالت الإعلامية دينا شرف الدين: " هو سافر ألمانيا أول مارس، وأجرى العملية وحتى مش جراحية دى منظار.
والحمد لله بقى كويس.
والصوت بياخد شوية وقت بس على مايرجع لطبيعته.
وبعدين الموضوع مش بيخلص في يوم وليلة، لكن كحالة صحية هو كويس جدا".
وتابعت شرف الدين حديثها قائلة: " أنا اتفاجئت بالعناوين الغريبة بتاعت تدهور حالته الصحية.
أدعوله.
والدكتور أشرف زكى نقيب المهن التمثيلية أجرى عدة مداخلات وطمأن الناس وقال صحته كويسة جدا.
وعايش حياته بشكل طبيعى.
ومنذ شهر مارس منذ أن أجرى العملية وهو بيعيش فترة استجمام.
ناس تقولك ما بيتكلمش وفقد القدرة على الكلام.
والأحبال الصوتية مالهاش علاقة بالصحة.
شوية إلتهابات فى حتة محددة بتتعافى فى وقت معين".
التعليقات (0)
لا توجد تعليقات حتى الآن. كن أول من يعلق!
أضف تعليقك