طليقة أحمد مكي تحتفل بعيد ميلاده: كل سنة وأنت أغلى من الياقوت

احتفلت طبيبة التجميل مي كمال الدين، عبر حسابها الرسمي على موقع تبادل الصور والفيديوهات «إنستجرام»، بعيد ميلاد الفنان أحمد مكي، في إشارة منها إلى عودتهما مرة أخرى بعد إعلان انفصالهما في سبتمبر 2025.

ونشرت مي كمال الدين صوراً لأحمد مكي، وعلقت قائلة: «النهاردة عيد ميلادك 19/06/1980 (46)، حبيبي كل سنة وأنت أغلى من الياقوت.

أنا مكنتش عايزة أكون أول حد يقولك كل سنة وأنت طيب النهاردة، عشان كل أول حاجة في حياتك كانت صعبة ومش حلوة، وأنت تعبت أوي، بس ربنا يقدرني أعوضك وأسعدك.

بدعي ربنا أكون آخر حاجة في كل حاجة، أكون مسك الختام، حتى لو كنت أول حد دايماً جنبك ومعاك».

وأضافت مي كمال الدين: «بتمنى أكون آخر حب في قلبك، حتى لو كنت أول حد عرفك معنى الحب والأمان، وحبك حب غير مشروط ولاقي سعادته في ابتسامتك، أول حد حبك أكتر من نفسه وخاف عليك أكتر من نفسه، بس نفسي أكون آخر شخص دخل قلبك واطمن له، وآخر حد تكمل معاه وتلاقي فيه راحتك».

واختتمت قائلة: «يمكن دي أمنية كبيرة، ربنا يقدرني أعوضك وأسعدك، بس دي الحقيقة اللي جوايا وبتمناها من ربنا.

كل سنة وأنت طيب حبيبي وابني الجميل، وكل سنة وأنت أغلى من الياقوت، ويا رب تكون سنينك الجاية كلها رضا من ربنا وفرحة ونجاح وراحة لقلبك، وينور بصيرتك ويعوضك كل خير بكل اللي مريت بيه».