كشف المؤلف محمد رجاء -من خلال حسابه الشخصي على موقع التواصل الاجتماعي فيسبوك- سرقة معالجة درامية خاصة به وتم عرضها في الموسم الدرامي الرمضاني الماضي.
وكتب محمد رجاء عبر فيسبوك: «أنا إتسرقت مني معالجة لمسلسل 15 حلقة إتعرضوا في النص التاني من رمضان عادي جدا.
والمخرج الجديد بمساعدة المنتج الفني أوهم الممثلة إن فيه خلاف حصل بيني وبينه وإن أنا اللي اعتذرت عن العمل وأن الشركة سوّت معايا الموضوع بشكل رسمي وده محصلش.
لا حصل خلاف بيني وبينه من الأساس والمرتين اللي اتقابلنا فيهم كنا زي الفل.
ولا حصل أني أعتذرت أو الشركة خلصت معايا أي إتفاق.
وتابع محمد رجاء: «كل الموضوع أنه أتقالي من الشركة أستنى لحد ما يجيلنا الموافقة على موضوع العمل من الجهات اللي بتقرأ.
ورغم أنهم قالولي أن العمل إترفض لاقيتهم بعد كدة عاملين نفس الموضوع والقصة والشخصية مع مؤلف تاني من غير ما أي حد يرجعلي».
واستطرد محمد رجاء: «ده حتى العنوان كان من كلمتين أخدوا كلمة وحطوا كلمة تانية.
منتهى الكريتفتي الحقيقة.
يلا مخرج جديد وعاوز يشق طريقه ومش عاوز مؤلف له شغل في السوق قبل كدة يركبه.
واهو المسلسل عدى ومحدش حس بيه أوي».
التعليقات (0)
لا توجد تعليقات حتى الآن. كن أول من يعلق!
أضف تعليقك