أشاد حسام حسن، المدير الفني لمنتخب مصر، بالدور الذي يلعبه محمد صلاح داخل صفوف الفراعنة، مؤكدًا أنه لا يقتصر على ما يقدمه في الملعب، بل يمتد إلى تأثيره الكبير داخل غرفة الملابس وبين زملائه.
وقال حسام حسن خلال استضافته في برنامج" معكم منى الشاذلي" المذاع عبر قناة ON: " صلاح مؤثر جدًا مع زمايله في كل حاجة، واللاعيبه كلها بتحبه، وفي الكواليس دمه خفيف وبيهزر، وده عامل حالة جميلة داخل المنتخب".
وأضاف أن هناك تنسيقًا مستمرًا بينه وبين قائد المنتخب، موضحًا: " في الملعب عينه عليا طول الوقت عشان التوجيهات، وبقوله وصل المعلومة للاعيبة، ولما المعلومة بتوصل عن طريقه بتوصل بسرعة".
وأشار إلى أن مركز محمد صلاح داخل المنتخب اختلف عن السابق بما يخدم مصلحة الفريق، مؤكدًا أن ذلك جاء في إطار تفاهم وثقة متبادلة بينهما، وقال: " الثقة اللي بيني وبينه خلتني أتكلم معاه وأقوله عايزك تلعب في المكان ده، وإحنا بنلعب كفرقة بشكل جماعي، مش معتمدين على لاعب واحد".
وأوضح المدير الفني أن تنوع مسجلي الأهداف مع منتخب مصر يعكس نجاح العمل الجماعي، مضيفًا: " جبنا 8 أهداف وكل المجموعة شاركت فيها، وده مش بيجي بالصدفة، لأن لو لاعب واحد بس هو اللي بيسجل يبقى في خلل".
وكشف حسام حسن أن محمد صلاح كان يمر بحالة من الإحباط في بداية المرحلة بسبب ظروفه مع ناديه، مؤكدًا أن العلاقة بينهما ساهمت في استعادة أفضل مستوياته، وقال: " كان في تنسيق بيني وبين صلاح، والثقة اللي بينا متعملتش بالصدفة، ولو مكنش في حب واحترام مكنش هيطلع الناتج ده".
واختتم تصريحاته بالإشادة باحترافية قائد المنتخب، قائلًا: " صلاح قمة في الاحترام والبروفيشنال، ومش بالصدفة بقى نجم عالمي، عنده موهبة والتزام وتركيز وثقافة، والأهم إنه كان مصدق نفسه، وده اللي خلاه يحقق كل النجاح ده في أوروبا".
التعليقات (0)
لا توجد تعليقات حتى الآن. كن أول من يعلق!
أضف تعليقك