كشف الفنان محمد إمام عن مفاجأة خلال ظهوره ضيفًا على أحد البرامج التليفزيونية، إذ تحدث عن مكالمة فيديو جمعته، بالأمس، بنجم منتخب مصر محمد صلاح، مؤكدًا أنها كانت من أجمل اللحظات التي عاشها.
محمد إمام يكشف عن كواليس مكالمة هاتفية من محمد صلاحوقال محمد إمام خلال اللقاء: «كلمني امبارح، وكانت مكالمة من أحلى الحاجات اللي جتلي في حياتي، أنا بحب محمد صلاح جدًا، وشايفه من أحلى الحاجات اللي جت في تاريخ مصر، وجه للمصريين في وقت مظبوط جدًا، وشايف إن رحلة نجاحه لازم تُدرس».
وأضاف: «بالصدفة كان في صديق مشترك بينا مع صلاح في الساحل، ولما عرف إن أنا صاحبه قاله: عايز أكلم محمد، وفجأة لقيت صلاح بيكلمني فيديو كول، ولسه جاي أتكلم لقيته بيقولي: إنت مش عارف أنا بحبك إزاي، قولتله: ده أنا اللي بموت فيك».
وتابع محمد إمام: «قالي إنه متابعني ومتفرج على كل أفلامي، وكلمّني عن بوست كنت نزلته من فترة إني بدور على طفلة تشارك معايا في فيلم، فقالي: ده أنا كنت عايز أبعتلك مكة، قولتله: مكة؟ ! ده إنت تشرفنا، وكانت من أحلى المكالمات، وأنا بحب صلاح جدًا».
التعليقات (0)
لا توجد تعليقات حتى الآن. كن أول من يعلق!
أضف تعليقك