المنتج عبدالله أبو الفتوح عن الأداء العلني: محتاجين نفهم من المستفيدين وكيف سيتقاضون ومن سيدفع

طرح المنتج عبدالله أبو الفتوح عدة تساؤلات حول أزمة حق الأداء العلني الجارية حاليا بين الصناع والمنتجين.

وقال أبو الفتوح في منشور عبر حسابه الرسمي على فيسبوك: " بالنسبة لخناقة حقوق الأداء العلني اللي دايرة اليومين دول، ممكن حد يشرح لنا على نموذج عام الحقوق بالأرقام وطريقة التوزيع على المستفيدين".

وأضاف: " يعني واحد من الأساتذة اللي فاهمين القانون ده وتبعاته يجي يقولنا والله فيلم كذا أو مسلسل كذا المفروض إنه يحصل فيه كذا كذا بكل التفاصيل، كام ولمين ومين اللي هيدفع وكيفية التحصيل وفي خلال قد إيه والورقيات التابعة لإصدار مثل هذا القانون.

عاوز شرح نموذج رقمي! !! ! ".

واستنكر قائلا: " أصل إحنا مش حنقضي حياتنا ناس بترد على ناس وناس بتزعق لناس وإحنا مش فاهمين حاجة، وكل واحد يطلع يقولك دي مبالغ عبيطة دي مبالغ هايفة وخلاص، لو سمحتوا قولوا لنا بالبلدي كده مين حياخد كام ومن مين وبناء على ايه؟ ؟".