تحدث الفنان الشاب طارق عصام عن الأزمة التي يمر بها بعد ابتعاده عن التمثيل، مؤكدا أنه يعاني من غياب فرص العمل، ولا يمتلك أي مصدر دخل، وكشف عن أمنيته في الوقوف أمام الفنان أحمد العوضي.
وقال طارق عصام خلال ظهوره في ظهور في مقطع فيديو عبر تطبيق" تيك توك": " أنا طارق عصام اللي عملت فيلم (أبو علي) مع كريم عبدالعزيز، وأنا اللي كلت الجبنة، وعملت (حاحا وتفاحة)، و(بوشكاش) مع أستاذ محمد سعد، وكمان مسلسلي (ركين) و(ابن موت)، بقالي أكتر من 10 سنين محدش بيتواصل معايا، مع إني في وقت من الأوقات كنت مكسر الدنيا، وكل المنتجين كانوا بيكلموني، لكن دلوقتي مفيش أي حاجة".
وأضاف: " عندي 30 سنة، وكنت بمثل من وأنا عندي 8 سنين لحد 14 سنة، ودلوقتي معنديش أي مصدر دخل، ساعات بنزل أشتغل مع أصحابي في المعمار عشان أقدر أصرف على نفسي، وبقالي سنتين ونص خاطب ومش عارف أتجوز، وفي أوقات كتير مبيبقاش معايا حتى مصاريف".
وتابع: " بعت لأستاذ كريم عبدالعزيز، ومحمد سعد، وأحمد السبكي أكتر من مرة، ولما كنت بعمل (بوشكاش) الأستاذ أحمد السبكي كان عايز يعمل معايا عقد احتكار لمدة 7 سنين، ولما رفضت وقف التعامل معايا، كلمت كريم عبدالعزيز برضه، لكن مفيش رد، أنا مش بطلب بطولة ولا فلوس، أنا عايز فرصة أرجع بيها، حتى لو إعلان أو مسرحية".
واستكمل: " نفسي أرجع أمثل تاني وأكسر الدنيا، لأن التمثيل هو الحاجة الوحيدة اللي بعرف أعملها، ونفسي أمثل مع أحمد العوضي لأنه عسل بصراحة".
واختتم حديثه قائلا: " أنا دلوقتي متدمر وبعيش أسوأ أيام حياتي، وكل يوم بقعد مع نفسي وأفتكر إزاي كنت بشتغل، وأهلي وصحابي كانوا فخورين بيا، ودلوقتي مش عارف أعمل حتى مشهد.
مش طالب دور بطولة، عايز مشهد أو اتنين يرجعوني للحياة، لأن دي الحاجة الوحيدة اللي بحبها".
يُذكر أن طارق عصام شارك في طفولته في عدد من الأعمال الفنية، من بينها أفلام" أبو علي" و" بوشكاش" و" اللمبي 8 جيجا" و" 365 يوم سعادة"، إلى جانب عدد من المسلسلات والأعمال التلفزيونية.
@abdulrahman.
ayman2248 مين فاكر الممثل الطفل ده؟
شوف الزمن عمل فيه إي 😢🥹 #المذيع_الچوكر😉 ♬ الصوت الأصلي - المذيع الچوكر🎤🎥بالأبيض والأسود.
منة شلبي تتألق في أحدث إطلالاتها والجمهور: " إزاي حلوة كده؟ "أنغام تخطف الأنظار خلال حضورها العرض الخاص لمسرحية" خيال مريض" - (صورة).
التعليقات (0)
لا توجد تعليقات حتى الآن. كن أول من يعلق!
أضف تعليقك