سحر رامي: التغيير بين الشخصيات فى "توابع" و"إتنين غيرنا" حاجة ممتعة بالنسبة لي

أكدت الفنانة سحر رامي، أن التغيير بين الشخصيات التي تقدمها فى مسلسل" توابع" ومسلسل" إتنين غيرنا"، يعد شيئًا ممتعًا بالنسبة لها.

وجاءت تصريحات الفنانة سحر رامي، لبرنامج هليلة في ٣٠ ليلة، تقديم كريم رمزي على ميجا إف إم، عن دورها فى مسلسليّ" اتنين غيرنا" و" توابع" على النحو التالي:

مسلسل" إتنين غيرنا" لما اتحكى لي من المؤلفة، حسيت إنه مكتوب ليا، حتى قولت لها إنتى كاتبة قصة حياتي!

تابعت ردود الأفعال على السوشيال ميديا، ومن الناس اللي بتقابلني في الشارع، والحمد لله الناس مبسوطة جدا بالعمل.

بحب آسر ياسين جدا، وكنت حاسة إنه ابنى بجد فى المسلسل، وكنت بقوله" انت ابني البكري".

الدراما اتغيرت كتير عن زمان فى كل حاجة، سواء ديكور، إضاءة، إخراج، تصوير وهكذا.

بعد كام يوم تصوير ليا فى مسلسل" اتنين غيرنا" حسيت إنى فى جو مختلف، والمسلسل ده بالذات كنت حاسة إنى فى بيتى فعلا.

دورى فى مسلسل" توابع" ضيفة شرف، وفكرة التغيير بين الشخصيات فى" توابع" و" إتنين غيرنا" حاجة ممتعة بالنسبة لي.

أنا مواعدة دينا الشربينى إنى هعزمها على قطايف باللحمة المفرومة والبقدونس والطحينة، بس لما الدنيا تروق شوية.