أعربت النجمة دينا الشربيني، عن سعادتها البالغة بالنجاح الذي حققه مسلسل اتنين غيرنا الذي عُرض خلال النصف الأول من موسم مسلسلات رمضان 2026، واصفة العمل بأنه لم يكن مجرد تجربة درامية بل حالة كاملة من الحب لمست قلبها وقلوب الجمهور.
وفي منشور طويل عبر حسابها على منصة" انستقرام"، وجهت دينا الشربيني الشكر لشركاء النجاح، وفي مقدمتهم الشركة المتحدة للخدمات الإعلامية، وكذللك المنتج محمد السعدي شركة ميديا هب، مشيدة بالدعم والاحتواء الذي قدموه للعمل ليخرج بصورة تليق بالدراما المصرية.
وكتبت دينا الشربيني: في لحظات كدة مابتتحكيش بالكلام، بس بتبان في الضحكة اللي طالعة من القلب وفي الروح اللي جمعتنا.
مسلسل (اتنين غيرنا) بالنسبة لي مكنش مجرد مسلسل، دي حالة كاملة من الحب.
أنا عايزة أشكر من كل قلبي كل القائمين على العمل ده.
شكرًا لـ الشركة المتحدة للخدمات الإعلامية (البيت الكبير) على كل الدعم والاحتواء.
وشكر كبير لسعدى و لشركة الإنتاج ميديا هب - سعدي وجوهر، اللي وفرتوا كل الإمكانيات وبذلتوا مجهود جبار عشان العمل يطلع بالشكل ده.
دينا الشربيني: خالد الحلفاوي تعب معانا جدًاوتابعت: شكر من قلبي للمخرج المبدع خالد الحلفاوي، اللي بجد تعب معانا جدًا وطلع أحلى ما فينا برؤيته الفنية.
وشكرا للمؤلفة المتألقة رنا أبو الريش على الورق اللي اتكتب بصدق وحب ولمس قلوب الناس.
وشكر خاص جدًا لمدير التصوير هيثم حسني.
شكراً يا هيثم على عينك اللي شافت الحكاية بكل جمال.
كل كادر عبارة عن لوحة فنية.
بجد تسلم أيدك.
شكرًا يا باشمهندس باسم على مجهودك وحبك لشغلك مع إنى عارفه أنا مغلباك معايا.
شكرًا لچيهان صبحى حبيبتى و صحبتى و أختى على شغلك الجميل كالعادة.
أنغام سحرتنا بصوتها في أغنية التتروتابعت: شكرًا للي ورا الكاميرا.
إخواتي من الإخراج، التصوير، الإضاءة، الديكور، الصوت، الموسيقى، المونتاج، الملابس، الماكياج، الخدمات، البوفيه، وكل فني وعامل سهر وتعب وبذل مجهود خرافي عشان كل حاجة تطلع مظبوطة.
وطبعاً المسلسل مكنش هيكمل من غير الأغانى اللي لمست روحنا.
شكراً من كل قلبي لأنغام، اللي سحرتنا بتتر البداية وخدتنا لعالم تاني خالص بصوتها وإحساسها.
وشكراً لمحمود العسيلي على الأغنية اللي حتكسر كل الأفراح إن شاءالله.
بجد طاقة وجمال ملوش وصف.
اتبسطت بكل مشهد صورته مع آسر ياسينوأضافت دينا الشربيني: صديقي وأخويا آسر ياسين.
بجد كنت مبسوطة قوي إننا اشتغلنا مع بعض لأول مرة والأكيد مش هتكون آخر مرة إن شاء الله.
اتبسط بكل مشهد صورناه مع بعض يا آسر.
بجد شكراً يا حسن.
زمايلي وإخواتي الفنانين.
ممتنة جداً لكل لحظة قضيتها معاكم، ضحكنا وتعبنا واتبسطنا كنتم عيلتي بجد.
واختتمت رسالتها، قائلة: أغلى جمهور في الدنيا.
شكرًا بجد على طاقة الحب اللي شفتها منكم وتفاعلكم مع (نور).
ممتنة لكل رسالة وصلتني وكل كلمة حلوة عن المسلسل.
إنتوا اللي بتخلوا للنجاح طعم تاني خالص وبتنسونا أي تعب.
التعليقات (0)
لا توجد تعليقات حتى الآن. كن أول من يعلق!
أضف تعليقك