هناك فرق كبير بين الأخلاق… والتمثيل جو 24 : كتب وسام السعيد - هنالك نماذج من المجتمع قد تصادفها او تتعامل معها وبالنتيجة يتكون لدينا انطباع حول تلك النماذج.
🔹 محترم بالتديّن هذا ميزانه ثابت… ما بيتغيّر لو كان لحاله أو قدّام الناس.
لأنه ببساطة… شايف ربنا قبل ما يشوف البشر.
🔹 محترم بالفطرة مش محتاج دورات ولا نصائح… قلبه نظيف، ولسانه نظيف، وضميره صاحي 24 ساعة.
🔹 محترم لأنه حواليه ناس محترمين النسخة الأصلية منه… لسا ما شفناها! حسب البيئة… بيكون.
🔹 محترم إتيكيت بيعرف يقول "لو سمحت” و"شكراً”… بس ممكن يكسرك بكلمة وحدة بدون ما يرمش.
🔹 محترم بالتمثيل قدّامك شيخ الأخلاق… وورا الكواليس فيلم أكشن! 🔹 محترم مصلحة يحترمك لين يخلص شغله… بعدين "ما بعرفك”! 🔹 محترم خوف الأدب عنده مش قناعة… الأدب عنده "احتياط أمني”! أول ما يزول الخوف… بتشوف الحقيقة.
🔹 محترم أونلاين منشوراته حكم ومواعظ… وتعليقاته سبّ وشتم! شخصيتين في حساب واحد.
🔹 محترم مزاجي حسب ضغطه وسكره… اليوم ملاك، بكرا تحتاج درع واقي! 🔹 محترم مظاهر بدلة، عطر، كلام كبير… بس من جوّا فاضي.
🔹 محترم لأنه ما انكشف لسا الظروف ما امتحنته… بس الأيام كفيلة تفضح النسخ المخفية.
🔹 محترم عند الكبار فقط قدّام "المهمين” قمة الأدب… ومع الضعيف؟ نسخة ثانية تماماً.
🔹 محترم بالكلام فقط ينظّر عن الأخلاق… ولو طبّق 10% من كلامه كان صار إنسان مختلف! الاحترام الحقيقي مش "ستايل حياة”… الاحترام الحقيقي: لما تكون نفس الشخص… قدّام الناس، ووراهم، ومع نفسك.
مو كل محترم يُمدح… بعضهم فقط… ممثل بارع.
التعليقات (0)
لا توجد تعليقات حتى الآن. كن أول من يعلق!
أضف تعليقك