أعلن الفنان الكبير صلاح عبد الله عن تخوفه من مباراة غد الجمعة بين الأهلى والزمالك، موضحا في تصريحاته لتليفزيون اليوم السابع، أن الزمالك في أقوى حالاته وعلى جاهزية تامة للفوز بلقب الدورى هذا الموسم، وقال عبد الله: «ده الماتش الوحيد اللى مخوفنى.
أنا عارف إن فيه زملكاوية كتير بيزعلوا منى مش عارف ليه بننزل قدام الأهلى ما بنبقاش في حالتنا الطبيعية.
ماتشات كتيرة يعنى.
أنا شايف إن المرة دى إحنا جاهزين للأهلى أوى.
كل اللعيبة الموجودين دلوقتى هينزلوا قدام الأهلى كأنهم بيلاعبوا أي فرقة من فرق الدورى».
وأضاف صلاح عبد الله قائلا: «لاعبو الزمالك هيلعبوا صح بعزيمة وإصرار.
إحنا إن شاء الله بإذن الله يا هنكسب الأهلى يا نتعادل إن شاء الله.
عشان لما ناخد الدورى ما يبقاش فيه حتة كدة.
الزمالك فعلا بيحقق الفرحة.
فرحان أوى.
والأهلاوية دايما بيهنونى عشان فرحانين لفرحتى.
إخواتى كلهم ألف رحمة ونور عليهم وأخوالى ربنا يرحمهم كلهم كانوا زملكاوية».
صلاح عبد الله: التجربة أثبتت إن الزمالك مابيوقفش على حد وأقرب مثال بن شرقىوأوضح الفنان الكبير صلاح عبد الله أن نادى الزمالك قد يمرض لكنه لا يموت ويعود أقوى من الأول، موضحا في تصريحاته لتليفزيون اليوم السابع، أن جميع اللاعبين الذين تركوا الزمالك لم يتوقف النادى عليهم وعاد أقوى من الأول.
وقال عبد الله في تصريحاته: التجربة أثبتت إن بعد ما فى لاعيبة مشيوا وجه ناس تانية مكانهم الدنيا مشيت عادى وأقرب مثال بن شرقى، اللى هو كان مفروض راجع الزمالك فجأة راح النادى الأهلى، ومن بعد إمام عاشور وأحمد سيد زيزو.
وأضاف عبد الله في تصريحاته لتليفزيون اليوم السابع قائلا: عندنا حاجة في الفن اسمها الكواليس مش بس في المسرح لا في الدراما والسينما كمان يقولك العمل ده كواليسه كانت حلوة ومريحة.
نفس الحكاية في الكرة اللى هي بيسموها أوضة اللبس.
لازم نحافظ على الكواليس دى إنها تكون كويسة ومريحة، حتى في السينما لما بيتكلموا عن عمل ناجح يقولك الكواليس كانت طيبة وناجحة والعكس صحيح.
الفنان صلاح عبد الله: أرفض عودة زيزو وإمام عاشور للزمالك مرة أخرىأعلن الفنان الكبير صلاح عبد الله، عن رفضه الكامل لعودة لاعبى النادى الأهلى أحمد سيد زيزو وإمام عاشور إلى نادى الزمالك مرة أخرى، حيث أوضح أن السبب في ذلك هو تقديرا وإحتراما للاعبى الزمالك الحاليين والذين يلعبون بمسئولية وحب للنادى ولجماهيره.
وقال عبد الله في تصريحاته لتليفزيون اليوم السابع: أنا كأى زملكاوى كنت بحب زيزو جدا.
وبعدين هما كاتبين أحمد مصطفى زيزو مش أحمد سيد زيزو أنا مافهمتش الحكاية دى إن ده الاسم الحقيقى اللى يحب يذكره ودى حاجة طيبة إن يذكر اسم أبوه.
المهم كنت بحب زيزو أوى وكذا مرة عملتله مداخلة أثناء استضافته على قناة الزمالك، واتكلمت معاه.
طبعا إحنا زعلنا جدا وبالذات الطريقة اللى مشى بيها، أيا كان الأخطاء جاية منين.
وأضاف صلاح قائلا: زيزو كلاعب محترف أقوله ربنا يوفقك.
عايز أضيف إن أى مشاكل بينه وبين نادى الزمالك اللى قضى فيه فترة عظيمة وكان معشوق لنادى الزمالك لابد أن يتم حلها سلميا بالحق والعدل.
وتابع صلاح قائلا: الزمالك استفاد من كل العناصر اللى انضمت إليه مؤخرا، صحيح فيه فترة قلقنا جامد على الزمالك.
لكن لا أسمح بعودة إمام عاشور لا هو ولا زيزو ولا بن شرقى.
ليه؟
احتراما وتقديرا للموجودين.
التعليقات (0)
لا توجد تعليقات حتى الآن. كن أول من يعلق!
أضف تعليقك