كشفت ابنة القاضي السابق المتهم بإنهاء حياة طليقته، تفاصيل صادمة حول علاقتها بوالدها وما تعرضت له الأسرة بعد الانفصال، وذلك في أول تعليق لها على الواقعة.
وقالت الابنة في تصريحات خاصة لـ “تليجراف مصر”: ماما كانت أهم حاجه في حياتي أنا وإخواتي ومحدش عرفنا طريقه وفاة ماما غير بعدها بأسبوعين وقالوا لينا إنها ماتت في حادثة لأننا كنا في صدمة بسبب وفاتها".
وتابعت: “من وقت ما أمي ماتت وأنا نفسيتي وحشه جدًا علشان أنا طول حياتي معاها ومليش غيرها حتى من قبل ما تتطلق كان هو مش شايل هم أي حاجه ومكنتش بشوفه خالص غير وهو بيلعب في الموبايل وهي كانت شايلة البيت كله”.
وأضافت: “أنا مفيش حاجه في الدنيا هتعوضني عن مامتي أبدًا وهو كذب لما قال إن ماما مكنتش بتخليه يشوفنا والله العظيم الكلام ده غلط هو اللي كان عامل لينا بلوكات أساساً، كنت بقعد كل يوم أعيط لماما أن أنا نفسي يكون ليا أب زي صحابي فماما علشان هو كان عامل بلوكات لينا كلنا جابت رقم جديد وخلتني أكلمه وفضلت أعيطله وأتحايل عليه وقولتله والنبي خليك معانا.
أنا نفسي يكون ليا أب وهو ولا كان فارق معاه، وفي مرة وافق أننا نروح نزوره في البيت وكان إخواته موجودين في البيت وقعدنا معاه واحنا نازلين تاني يوم لماما علشان جت تاخدنا قال على ماما لفظ مش حلو قصادنا وإحنا زعلنا وقولنا لماما”.
ضرب ماما في الشارع حتى تيته جت تدافع عنها ضربهاوتابعت: لقيته نازل ورانا هو وإخواته ونازل يضرب ماما في الشارع حتى تيته جت تدافع عنها ضربها هي كمان وبعدها ماما مشيت ومعملتش محاضر وراحت المستشفى علشان كانت متعوره، كان هيقتلنا مرتين وفي مرة كنا على النيل معاه لقيته فجأة شالني وكان عايز يرميني أنا وإخواتي في النيل وأنا فضلت أصرخ لحد ما الناس اتلمت علينا وأنقذونا وفي مرة وأنا معاه في البيت فضل مسهرني طول اللي يكلمني عن ماما كلام وحش جدًا جدًا أنا مش فاهمه هو بيقول كدا ليه وأنا قولتله ماما مستحيل تعمل كدا راح طردنا من البيت في الفجر ونزلنا الشارع وكلمت ماما تيجي تاخدنا".
واختتمت: “بابا كان هيقتلنا مرتين”، وأكدت أن ما تعرضوا له لم يكن مرة واحدة بل تكرر أكثر من واقعة بحسب روايتها.
" مش هيسيبها تعيش بعيد عني".
شقيق ضحية القاضي السابق يكشف كواليس ما قبل الجريمة (خاص).
التعليقات (0)
لا توجد تعليقات حتى الآن. كن أول من يعلق!
أضف تعليقك