حرص النجم حسن الرداد على مشاركة تليفزيون اليوم السابع فى إحياء الذكرى الخامسة لرحيل نجم الكوميديا الكبير الراحل سمير غانم، حيث استرجع الرداد ذكرياته مع الفنان الراحل، مؤكدا مدى طيبته وإنسانيته الاستثنائية، ومساعدته لكل شباب الكوميديا الحاليين فى إلقاء الإيفيهات بشكل تلقائى.
وقال الرداد في تصريحاته لتليفزيون اليوم السابع: سمير غانم الله يرحمه كان عنده سرعة بديهة غير طبيعية.
لما إحنا كنا نقعد معاه فى أى تجمعات أنا وكل الشباب اللى بيقدموا كوميديا حاليا، يجيبنا يمين وشمال ويدينا إيفيهات غير متوقعة خالص.
يلسعك اللسعة كدة.
بيشوف حاجات إحنا مابنشوفهاش.
خياله ومخه عنده فارق.
لو بيتقاس السرعة بتاعت إدراك الحاجة وتجميعة الإيفيه هو عنده فرق عن الناس العادية.
فكان عظيم ما شاء الله.
وبسؤال الرداد عن موقف معين يتذكره لنجم الكوميديا الراحل أو ماذا حدث أثناء تقدمه للزواج من ابنته إيمى سمير غانم، قال النجم الرداد حسن الرداد: هو كان أطيب بنى آدم ممكن تقابله في حياتك.
كانت شخصية طيبة جدا جدا.
غير طبيعية.
كان عبارة عن راجل لذيذ دمه خفيف طيب.
جواه تحس إنه طفل جميل بيضحك.
قلبه تحس كله طيبة وبراءة وتقعد معاه مش هتعمل غير إنك تضحك وتتبسط وخلاص.
استحالة هيصدر منه أى كلمة تضايقك.
كان راجل متسامح إلى أقصى حد.
وماشاء الله كان خير أوى أوى، كان بيعمل خير لله كتير.
أما فيما يتعلق بفكرة الاتفاق أثناء الزواج، الحاجات دى تقعد معاه تهزر وبس.
لكن الحاجات التانية كانت والدتى مع والدة إيمى.
يعنى مش هتاخد من سمير غانم غير الضحك واللذاذة والحاجات دى بس.
التعليقات (0)
لا توجد تعليقات حتى الآن. كن أول من يعلق!
أضف تعليقك