أكد الفنان الكبير أحمد فؤاد سليم على أهمية دور الفن في توعية الشباب وتنمية عقولهم، موضحا أن هناك بعض المنتجين يعتقدون أن الأعمال الجادة التي تتناول التاريخ والقامات لا تحقق مكسبا تجاريا واصفا إياهم بالطيبين.
وقال الفنان الكبير أحمد فؤاد سليم في تصريحاته لتليفزيون اليوم السابع: " مسرحية الملك لير على المسرح القومى، شوف بقالها كام موسم مستمرة وناجحة بقالها سنوات طويلة، ودى شخصية بتحمل قيمة إنسانية.
مسرحية عالمية لا دينية ولا تاريخية.
الناس بتروح تدفع تمن تذاكر، كل يوم تروح تتفرج عليها.
وبتبقى كومبليت كل يوم وده عمل له قيمة.
المنتجين ناس طيبين متصورين إن الجمهور لا يذهب لمثل هذه الأعمال وإن الأعمال دى ما بتتباعش".
وأضاف فؤاد سليم في تصريحاته لتليفزيون اليوم السابع قائلا: " ساعات بحس إن مقصود إن نتفه أدمغة الناس، ونفرجهم على أعمال بلا معنى أو قيمة أو هدف.
يعنى هو الوقت مالهوش قيمة عند الناس.
المنتج اللى بينتج العمل ده ماهو عارف إن العمل اللى بيبعمله ده مالهوش لازمة هو عايز فلوس وخلاص.
لكن بصراحة فيه منتجين الحقيقة مثقفين وفاهمين إحنا في مجتمع بناء.
الرئيس نفسه أنتقد مسألة الأعمال الفنية اللى فيها نوع من الإسفاف.
الحاجة الكويسة الناس بتشوفها.
أنا اللى يهمنى بتفرج عليه.
أنا شخصيا بنصرف عن الأعمال اللى ما تهمنيش".
أحمد فؤاد سليم: نفتقد الأعمال التاريخية صاحبة العِبرة والأهداف الإنسانيةأكد الفنان الكبير أحمد فؤاد سليم، إن هناك قلة في تقديم الأعمال التاريخية، موضحا في تصريحاته لتليفزيون اليوم السابع افتقاده لهذه الأعمال بشكل كبير للغاية.
وتساءل الفنان الكبير أحمد فؤاد سليم خلال حديثه لتليفزيون اليوم السابع قائلا: " فين الأعمال التاريخية دى؟
كانت فيها عبرة.
عايزين أعمال تاريخية تانى غير التي قُدمت زمان.
كان فيها عبرة وأهداف إنسانية مهمة في هذه الأعمال.
ليه بقينا ما بنعملش الحاجات دى.
أنا شخصيا بفتخر بنوعية الأعمال التاريخية التى قدمتها في مشوارى.
والتاريخ بتاعنا مليان شخصيات مهمة جدا".
وأضاف فؤاد سليم قائلا: " كمان الدراما التليفزيونية مهمة في النقطة دى، لإن المسرح والسينما الناس بتنزلهم وتقطع تذكرة.
لكن الدراما بتدخل البيوت مباشرة فبيتم مشاهدتها".
التعليقات (0)
لا توجد تعليقات حتى الآن. كن أول من يعلق!
أضف تعليقك