علقت الفنانة الكبيرة المعتزلة آثار الحكيم على عدد من الأفلام المعروضة حاليا بدور العرض السينمائية، حيث أوضحت أنها شاهدت مؤخرا فيلم" الكلام على إيه" فى السينمات مع أصدقائها، فضلا عن مشاهدتها لعدد كبير من المقاطع الصغيرة لفيلم" برشامة".
وقالت" الحكيم" في تصريحاتها لتليفزيون اليوم السابع: " الحقيقة أنا اتصدمت أنا وصديقاتى أثناء مشاهدة فيلم" الكلام على إيه"، الفيلم مكتوب بذكاء شديد جدا.
الإخراج هايل.
ممثلين هايلين.
مفيش مثلا ملابس خارجة مفيش.
إنما الفيلم من أوله لأخره أنا كنت في نص هدومى.
قلت استحالة أب مثلا يعرف يشوف الفيلم ده مع بنته.
أو أم مثلا مع ابنها.
زين لهم الشيطان أعمالهم.
اللى بيفصل أو اللى بيخلط ويقول الدين حاجة والفن حاجة والحرية حاجة.
الحقيقة ده تفكير قاصر شوية.
ليه؟
لإن كلمة الدين معناها إيه.
هذا الكتاب العظيم وهو القرآن الكريم.
مين اللى كاتبه هو اللى خلقنا وخلق المستمعين".
وأضافت الحكيم فى تصريحاتها لتليفزيون اليوم السابع قائلة: " استغفرك ربى وأتوب إليك.
أنا بتريق على اللى خلقنى.
ولله المثل الأعلى.
فيه أى شاب أو فتاة يطلعوا يتريقوا على باباهم.
واستغفرك ربى.
ده الخالق بقى.
القرآن الكريم كتاب عن الحقوق والواجبات".
وتابعت الحكيم حديثها قائلة: " يعنى مثلا يقولك الجنة تحت أقدام الأمهات.
ويطلع حد يقولك أصل والدتى إيه.
ريحة الشراب مش عارف إيه.
لا ده أنا أروح النار أحسن.
استغفر الله العظيم.
ده والعياذ بالله ممكن تبقى ساعة استجابة.
لازم نتعلم لينا إيه وعلينا إيه.
أولا ممثلين شاطرين جدا ولذاذ جدا.
من ساعة الممثل ما بيطلع.
بيبان.
موهوبين فعلا وشطار جدا.
فيه اتنين منهم في فيلمى برشامة والكلام على إيه وهما" مصطفى غريب وحاتم صلاح".
آثار الحكيم: أنا لا مع الإخوان ولا السلفيين نهائىوأضافت الحكيم في حديثها قائلة: " الحكاية ملهاش دعوة خالص غير بالدين، أنا لا مع إخوان ولا مع سلفيين ولا غيره.
أنا لازم أمحو الأمية الدينية اللى عندنا دى لإن الدين هو اللى بيقولى إزاى أتصرف في الحياة الدنيا.
الفكرة كل حاجة فيها الحلال وفيها الحرام الطبيب اللى بيعمل عملية لمريض مش محتاجها.
المهندس اللى بيغش في الأسمنت وبناء العمارة.
أى حاجة فيها ما يغضب الله أو يضر البشر فهى حرام".
التعليقات (0)
لا توجد تعليقات حتى الآن. كن أول من يعلق!
أضف تعليقك