بعد الطلاق الأولاد مش غنيمة حرب!أنا عمري ما فهمت إزاي اتنين كانوا في يوم من الأيام بيقولوا لبعض “بحبك”، وبيناموا ويصحوا على صوت بعض، وبينهم عيش وملح وسنين وعِشرة وأولاد… فجأة يتحولوا لخصوم في ماتش نهائي كأس العالم!الراجل داخل المحكمة شايل ملفات.
والعيال واقفين في النص مش فاهمين مين الصح ومين الغلط.
هو بيقول: “هي حرمتني من ولادي.
”وهي بتقول: “هو سايب مسئولياته.
”والأولاد بيقولوا في سرهم: “هو إحنا ذنبنا إيه؟ ”الغريب إن بعض الناس بعد الطلاق بيتعاملوا كأن المطلوب مش إنهاء الجواز…المطلوب إنهاء الطرف التاني نفسه!تلاقي واحدة طول اليوم تشحن العيال:والعيال الغلابة قاعدين يسمعوا، وكل كلمة بتنزل على قلبهم قبل ما تنزل على أبوهم.
وفي الناحية التانية تلاقي أب كل ما يشوف ولاده يقول:الأب والأم ساعات بينسوا إن الطلاق حصل بينهم هما…والأغرب إن بعض الناس تبقى مستعدة تدفع آلاف الجنيهات لمحامي علشان تكسب قضية…لكن مش مستعدة تدفع كلمة احترام للطرف التاني قدام أولادها!الولد اللي بيتربى على كره أبوه بيتوجع.
والولد اللي بيتربى على كره أمه بيتوجع.
واللي بيتربى وسط حرب مستمرة بيتوجع أكتر.
الموضوع مش مين كسب القضية.
الموضوع مين خسر نفسية العيال.
والله العظيم الأولاد مش شيكات بنكية.
ولا رسائل انتقام متحركة على رجلين.
ومش مطلوب منهم يختاروا فريق يشجعوه.
ولا لازم تبقوا أصحاب عمر.
لكن على الأقل سيبوا بعض باحترام.
خلي الولد يروح لأبوه وهو فرحان.
كفاية إن الطفل أصلاً متحمل وجع انفصال أبوه وأمه.
الطلاق أحيانًا بيكون الحل.
لكن الحرب بعد الطلاق عمرها ما كانت حل.
أكتر ناس بتدفع فاتورة المعارك دي مش الزوج ولا الزوجة…أكتر ناس بتدفعها هم الأطفال…اللي كل ذنبهم إنهم اتولدوا في قصة حب انتهت بطريقة غلط.
هل إحنا بقينا بنربي أولادنا بعد الطلاق على الحب والاحترام؟ولا بنربيهم على تصفية الحسابات؟
التعليقات (0)
لا توجد تعليقات حتى الآن. كن أول من يعلق!
أضف تعليقك