مأساة شاب دهست يده سيارة، " أنا مش قادر.
يا رب ارحمني".
جملة خرجت من الشاب عبد الرحمن، 23 عامًا، لتنزل كالصاعقة على نشطاء مواقع التواصل الاجتماعي، الذين تداولوا مقطع فيديو لعبد الرحمن وهو يبكي ويتألم بشدة بسبب سيارة دهست يده، فأصابته بألام مبرحة، ولا يجد العلاج لآلامه.
مأساة عبد الرحمن تثير ردود أفعال واسعةحكاية مأساة الشاب عبد الرحمن قالها في كلمات مقتضبة، لكنها تحمل آلام سنوات، فهو شاب فقد إحساسه بالأمان ويعتصره الألم، فقد انفصل والداه وتركوا له 3 شقيقات، كان يعولهن وفي يوم نام من تعبه على الرصيف، لتأتي سيارة وتدهس يده، ومن هنا بدأت مأساته، ظهر في مقاطع فيديو انتشرت بشكل واسع وهو يبكي من الألم، وصرخ قائلًا: " مش قادر يا رب.
ارحمني"، عبد الرحمن كان يسير في أمان الله، لكن الأزمة جاءت عندما شعر بالتعب ونام على الرصيف، فجأة جاءت سيارة ودهست يده، وأصابت يده بإصابات بالغة، لكنه لم يجد العلاج لتسكين آلامه أو مداوة يده، فزاد عليه الألم، لم يجد عبد الرحمن إلا دموعه لتعبر عن ألمه، بعد أن تحول جرحه لألام مبرحة، يصعب على الإنسان تحملها.
أثار مقطع الفيديو المؤثر والمؤلم للشاب عبد الرحمن حالة من الحزن والاستياء بين نشطاء مواقع التواصل الاجتماعي، مطالبين وزارة التضامن للتدخل ومساعدة الشاب عبد الرحمن، الذي يعيش وحده دون أهله، كما دشنوا هاشتاج بعنوان" أنقذوا عبد الرحمن" للمساعدة في إنقاذه من آلامه المبرحة، وتقديم العلاج لشفائه.
تفاصيل مأساة الشاب عبد الرحمنوكشفت البلوجر شاهيناز طاهر عن تفاصيل حياة عبد الرحمن، فقالت: " يا رب ارحمني أنا مش قادر.
نداء إنساني عاجل.
يا جماعة قصة" عبد الرحمن" توجع القلب.
شاب في مقتبل العمر انفصل والداه وتخلوا عنه وعن شقيقاته الـ 3.
وجد نفسه فجأة المسؤول الوحيد عنهن، وعمل لحمايتهن.
وفي يوم من كتر التعب نام على الرصيف عربية دهست ايده وهربت، دهس مأساوي تسبب بتمزق كامل في يده ودخول الدبلة اللي كان لابسها داخل اللحم، والآن يعاني من خراج شديد وألم لا يحتمل ولا يملك ثمن العلاج".
علق البلوجر حامد محمد فقال: " نداء عاجل ومؤثر إلى وزارة التضامن الاجتماعي والمسؤولين.
" أنا مش قادر يا رب.
ارحمني".
دي مش مجرد جملة، ده صراخ ودموع شاب في عمر الزهور اسمه عبد الرحمن، مالوش ذنب في الدنيا غير إنه كان ماشي في أمان الله، فجت عربية داست على إيده ودمرتها.
عبد الرحمن دلوقتي بيموت من الوجع وعمال يعيط زي الأطفال من شدة الألم اللي مفيش بشر يستحمله! ، إيده محتاجة عملية جراحية عاجلة فورًا عشان متضيعش منه، والوقت مش في صالحه وكل دقيقة بتعدي عليه كأنها سنة من العذاب".
أما البلوجر رؤى سيد فعبرت عن حزنها قائلة: " أنا مش قادر، يا رب ارحمني.
كلمات موجعة لشاب اسمه عبد الرحمن، شاب في بداية عمره، كان عايش يومه عادي جدًا.
لحد ما لحظة واحدة قلبت حياته بالكامل.
عربية داست علي يده دمرتها، أصيب إصابة شديدة وصعبة، ومن وقتها وهو بيعيط زي الأطفال وبيعاني من ألم لا يُحتمل، ومحتاج تدخل جراحي عاجل جدًا لإنقاذ يده قبل ما الوضع يتدهور أكثر أو تضيع فرصة العلاج.
عبد الرحمن مش بس بيعاني من الإصابة.
ده كمان عايش لحظات خوف ووجع وضغط نفسي كبير، وكل دقيقة بتمر عليه، بتزيد عليه الحمل، رجاء من كل قلب رحيم يشوف البوست ده، ما تعديش عليه مرور الكرام.
يمكن كلمة، أو مشاركة يكونوا سبب في إنقاذه.
نداء لوزارة التضامن الاجتماعي، يا مسؤولين، لكل قلب فيه خير.
الشاب ده محتاج وقفة إنسانية عاجلة.
عبد الرحمن بيستغيث بكم تساعدوه قبل فوات الأوان"أنقذوا عبد الرحمن وعالجوه من آلامهوقالت البلوجر شيماء محمد: " عبد الرحمن حالته صعبه جدًا.
ربنا يشفيه ويعافيه ويوقفله ولاد الحلال أنا مش فاهمه ازاي مافيش دكتور جراح لحد دلوقتي شاف حالته ويحاول يساعده؟ "أما البلوجر حسين سعيد فتساءل: " أين التأمين الصحي أين الأطباء أين أصحاب القلوب الرحيمه الله موجود يتولاه برحمته"وعلقت البلوجر أصيلة عبد القادر قائلة: " استغاثة إنسانية عاجلة.
أنقذوا عبد الرحمن.
كلمات تقطع القلب لشاب اسمه عبد الرحمن، انقلبت حياته في لحظة بعد تعرضه لحادث تسبب في إصابة بالغة بيده، وأصبح يعيش أيامًا من الألم والمعاناة والخوف، وهو في حاجة إلى تدخل طبي عاجل".
التعليقات (0)
لا توجد تعليقات حتى الآن. كن أول من يعلق!
أضف تعليقك