حسن الرداد: السبكى أدرى بتحديد أنسب ميعاد لعرض فيلمى الجديد "طه الغريب"

قال النجم حسن الرداد إن فيلمه الجديد" طه الغريب"، لم يتم تحديد موعدا لطرحه بالسينمات، موضحا أن العمل حاليا في المراحل النهائية من وضع اللمسات الأخيرة للمونتاج والمكساج.

وأضاف الرداد في مداخلة هاتفية لتليفزيون اليوم السابع: " موعد عرض فيلم" طه الغريب"، لسة لم يحدد.

بنجهز للمسات الأخيرة.

المونتاج والمكساج.

والأستاذ أحمد السبكى بعدها هيحدد الميعاد هو أدرى طبعا بالموعد المناسب".

وعن جديده في عالم الدراما التليفزيونية، قال الرداد لتليفزيون اليوم السابع: " في الدراما التليفزيونية عندى أكتر من عمل، لكن لسة ما قررتش هعمل إيه لرمضان.

عندى برضه مشروع سينمائى برضه شغال عليه.

وقريب هعلن عن تخطيطى لأعمالى المقبلة إن شاء الله".

تفاصيل فيلم طه الغريب لـ حسن الردادوقال الرداد لتليفزيون اليوم السابع: فيلم طه الغريب.

فيلم رومانسى، بقدمه عن رواية رومانسية حلوة جدا جدا الرواية لـ محمد صادق، عملت مبيعات كبيرة جدا.

الموضوع حلو أوى، وفيه تمثيل وفيه قصة حلوة، وفيه كاركترات حلوة أوى.

فأنا اتحمست له وحبيته لإن لازم إحنا كممثلين لازم نعمل أعمال مختلفة ومتنوعة.

ماينفعس إن الفنان أو بالنسبة لى، إن أنا ناجح في الكوميدى فأفضل أعمل كوميدى بإستمرار.

لازم أورى للجمهور نوع تانى.

يبدأ الجمهور يتعود على حاجات مختلفة.