بكلمات مؤثرة.. شقيقة إيناس النجار تُحيي ثاني ذكرى ميلاد لها بعد وفاتها

أحيت سوار النجار، شقيقة الفنانة إيناس النجار، عبر حسابها الرسمي بموقع تبادل الفيديوهات والصور إنستجرام، ثاني عيد ميلاد لشقيقتها الراحلة بعد وفاتها.

ونشر سوار النجار، فيديو لشقيقتها أثناء أداء العمرة معلقة: «يا رب ثاني عيد ميلاد لأختي وتوأم روحي، ونصفي الثاني مش بصدق إني بكتب الكلام ده والله والله، يا إيناس يا حبيبتي قلبي بيتقطع وبتقهر وبحس بنار بعدم وجودك بحاول أصبر نفسي وأصبر ماما وأقولها إنك مسافرة، وإن إحنا هنشوفك في يوم من الأيام ثاني يا رب».

وأضافت سوار النجار: «يا إيناس يا ملاكي يا أطهر وأنظف إنسانة وأكرم إنسانة جت الدنيا دي، أنا نفسي أكون في غيبوبة وإني بحلم ولا أكتب الكلام ده يوم عيد ميلادك إن شاء الله عيد ميلادك في الجنة يا حبيبتي، وربنا يجمعني بيكي على خير يا توأم روحي يا بنت قلبي وبنتي وروحي وحشتيني يا حبيبتي وحشتيني».

سوار النجار: ادعوا لأختي في عيد ميلادهاواختتمت: «رجاء منكم هديتكم لإيناس في عيد ميلادها دعواتكم ليها بحبك يا حبيبتي بحبك قوي وحشتيني والله كل حاجة حلوة راحت معاكي، وحشتني كل حاجة فيكي يا أختي، وحشتني ضحكتك وكلامك يا رب صبرنا يا رب».