زيكو: هنرجع نفرح مصر بإنجازات أكبر

وجّه مصطفى" زيكو"، مهاجم منتخب مصر، رسالة مؤثرة إلى الجماهير عقب توديع الفراعنة بطولة كأس العالم 2026، وذلك عبر صفحته الرسمية على موقع التواصل الاجتماعي" إنستجرام".

للمزيد من أخبار كأس العالم 2026 اضغط هنا.

وجاء نص الرسالة: الحمد لله على كل حاجة وصلنالها.

يمكن المشوار وقف هنا، لكن اللي حصل عمره ما هيتنسي.

في البداية أحب أشكر سيادة الرئيس على دعمه واهتمامه بينا، وأشكر شعب مصر العظيم على وقفته معانا، وجمهورنا اللي كان مالي الاستاد من أول يوم لآخر لحظة دعمكم وثقتكم كانوا أكبر دافع لينا، وكنا بنحارب في كل ماتش عشان نفرحكم.

وفخور جدًا إني كنت جزء من البعثة دي، وفخور بكل راجل تعب وحارب وضحى، سواء كان لاعب، جهاز فني، جهاز طبي، إداري، سوشيال ميديا، أو أي حد كان موجود معانا.

كل واحد كان ليه دور، وكل واحد أدى اللي عليه بكل إخلاص.

والحمد لله إن ربنا كرمنا ووصلنا لمكان يفرح كل مصري، حتى لو كان نفسنا نكمل المشوار أكتر.

ووعد مننا… دي مش النهاية، دي بداية لحلم أكبر.

هنشتغل أكتر، وهنتعلم من كل تجربة، وإن شاء الله اللي وقفنا عنده النهارده هنبني عليه، ونرجع نفرح مصر بإنجازات أكبر.

شكرًا لكل واحد آمن بينا ووقف في ضهرنا.

الحمد لله دائمًا وأبدًا.

وتحيا مصر".

وكان دع منتخب مصر منافسات كأس العالم 2026 من دور الـ16، بالهزيمة أمام منتخب الأرجنتين، بثلاثية مقابل هدفين، في اللقاء الذي جمع المنتخبين، مساء الثلاثاء، على ملعب مرسيدس بنز بمدينة أتلانتا الأمريكية، لينتهى مشواره المشرف في البطولة التي تُقام للمرة الأولى في تاريخها بنظام الاستضافة المشتركة بين الولايات المتحدة الأمريكية وكندا والمكسيك.