رد حسام عبدالمجيد لاعب فريق الزمالك على إمكانية انتقاله للنادي الأهلي مستقبلا بعد قرار احترافه للدوري البلغاري، وقال خلال تصريحات تليفزيونية: قصة الاحتراف بتخلص في الوقت الحالي وهي في الأمتار الأخيرة، ولن يراني أحد في النادي الأهلي كما يقول البعض.
وتابع: الناس بتقلل من الخطوة.
بس مش ده تفكيري أنا تفكيري باخد خطوة تفتحلي خطوات ثانية وأنا حاليا عندي 25 سنة لو استنيت أكثر عمري ما هطلع.
وأكمل: مش معنى كده إني كاره النادي لا طبعا، أنا من صغري في الزمالك وصعب عليا إني أسيبه.
لكن ممكن الواحد يبقى زي صلاح مثلا.
وبسؤاله هل سأل محمد صلاح عن الدوري البلغاري قال: ملحقتش أنا عرفت بالموضوع وأنا جاي خلاص.
اه كان نفسي أقعد معاه أسأله وأتكلم معاه.
لكن كل اللي قابلني باركلي وقالي خطوة كويسهأما عن إمكانية الانتقال للأهلي قال: الأهلي نادي كبير وأي حد يتمنى يلعب فيه، لكن الحالة بتاعتي مختلفة ولو بفكر بنفس التفكير ده كان زماني قضيت الـ6 شهور الباقيين في عقدي ومضيت فري عادي، بس أنا معملتش كده، أنا استنيت غصب عني لأن مكانش فيه حاجة جت وهي جاتلي السنة دي، وحبيت إن الزمالك يستفيد، وأمشي من خلالهم لأنهم ليهم فضل عليا، وأنا عقدي مع الزمالك مكانش أحسن حاجة، وطول عمري في النادي.
واختتم: لن تروني في الأهلي وأنا هدفي أشرف النادي بتاعي وأفتح الباب للاعيبة الزمالك للاحتراف.
وأحترف وأرجع للنادي تاني عادي.
التعليقات (0)
لا توجد تعليقات حتى الآن. كن أول من يعلق!
أضف تعليقك