ساندي تحتفل مع الأطفال بيوم اليتيم: من أمتع اللحظات (صور)

أعلنت المطربة ساندي زيارتها لإحدى دور الأيتام، احتفالا معهم بيوم اليتيم.

وكتبت ساندي عبر حسابها الرسمي بموقع تبادل الفيديوهات والصور إنستجرام: «الحقيقة من أمتع اللحظات إنك تحس إن ليك دور ولو بسيط في الحياة من نفع للناس وقيم بتزرعها في اللي حواليك وبتحاول في وسط كل الظروف الصعبة تخلق وقت وجهد تساعد بيه، أو تسند حد محتاج حتى الكلمة الطيبة، ولا الطبطبة شكرًا لجمهوري المخلص اللي بيساندني دايماً في أي خير بحاول أعمله وهما في ضهري مهما كان الوقت ضيق حتى لو قولت قبلها بيوم».

وأضافت ساندي: «شكرا لكل شخص من صحابي القريبين ومن ألتراس ساندي بنات وشباب شالو حاجات من محافظات مختلفة في مواصلات عشان يسعدوا أطفال جميلة في يوم زي ده، شكراً ليكم بجد من قلبي إنكم كنتم سبب في ابتسامة كل طفل في الدار وأتمنى نبقى السنة اللي جاية عدد كبير نشجع بعض أكتر ونعمل خير أكبر بحبكم أوي، ملحوظة اليوم ده بيكون أول جمعة في أبريل يوم اليتيم».