أكدت الفنانة شيرين عبدالوهاب أن الفترة الماضية كانت بمثابة ولادة لها من جديد، كما تحدثت عن عودتها للغناء بعد فترة غياب، وسبب اختيار هذا التوقيت للعودة.
وقالت شيرين عبدالوهاب في مداخلة هاتفية ببرنامج الحكاية، تقديم الإعلامي عمرو أديب: «كل ما في حياتنا نعمة، لكن أحيانًا لا نشعر بها ولا نقدّرها كما ينبغي، الفترة اللي فاتت كانت زي حد بيتولد من جديد، فكنت محتاجة أكون في بيئة هادئة مفيهاش أخبار، كنت زي في منتجع، واتعالجت من حاجات كتير كانت تعباني ومكسراني ودبحاني».
وتابعت: «بس الحمد لله وبفضل رب العالمين ودعواتكم ليا، مافيش إنسان محظوظ قدي، أنا عندي جمهور بيدعي لي كإني واحدة من بناتهم ومن أسرتهم، من دمهم، وأنا بقول لهم: أنتم دمي وروحي وكل حاجة حلوة بتوقفني على رجلي بعد ربنا سبحانه وتعالى، أنا مش عارفة أقول لك إيه غير إني سعيدة أكتر بإن أنا النهاردة هنام وأنا مش خايفة ولا قلقانة ومدفية بحب الناس، زي ما بتدفى دايمًا بحضنهم، والنهاردة بالذات محتاجة منهم إنهم يسمعوني».
وعن توقيت عودتها للغناء، قالت شيرين: «اللي رجعني المشهد العالمي اللي في فيلم تايتانيك، لما بيحط حبيبته على لوح خشب، ويموت هو بسبب درجة حرارة المية، أنا جاية من هنا ومسكت الصفارة وناديت على القارب اللي هيجي ياخدني عشان أقول له إني لسه ما متش، وإن أنا لسه عايزة أعيش وأنجح، ده الترجمة الحقيقية اللي جاية منه، جاية من كل كلام لذيذ وحلو فيه دعم ليا».
وأكملت: «ولما لقيت الدنيا كلها خايفين عليا وبيقولوا لي مش دلوقتي، أنا عنيدة جدًا، وقلت لأ دلوقتي، وزي ما أنا هطلع مفيش حاجة تعيبني في شكلي، ممكن أكون زدت شوية، والكلام الفاضي ده، أنا بغني بروحي وجسمي وقلبي ومشاعري، عاوزة الناس بس تسمعني، مش عاوزة حاجة تاني، غير إني أحس أن صوتي في بيوتهم وعربياتهم وتليفوناتهم».
التعليقات (0)
لا توجد تعليقات حتى الآن. كن أول من يعلق!
أضف تعليقك