تحدث النجم حسن الرداد عن نجم الكوميديا الكبير الراحل سمير غانم، وذلك فى ذكرى رحيله الخامسة والتي حلت أمس الأربعاء 20 مايو، عبر مداخلة هاتفية لتليفزيون اليوم السابع، أوضح خلالها الرداد أن نجم الكوميديا الراحل كان حالة استثنائية في ارتجال الإيفيهات، فضلا عن طيبته وإنسانيته ومساعدته لكل المحيطين به.
حسن الرداد يكشف تفاصيل خاصة عن الراحل سمير غانموقال الرداد في تصريحاته لتليفزيون اليوم السابع: سمير غانم الله يرحمه كان عنده سرعة بديهة غير طبيعية.
لما إحنا كنا نقعد معاه فى أى تجمعات أنا وكل الشباب اللى بيقدموا كوميديا حاليا، يجيبنا يمين وشمال ويدينا إيفيهات غير متوقعة خالص.
يلسعك اللسعة كدة.
بيشوف حاجات إحنا مابنشوفهاش.
خياله ومخه عنده فارق.
لو بيتقاس السرعة بتاعت إدراك الحاجة وتجميعة الإيفيه هو عنده فرق عن الناس العادية.
فكان عظيم ما شاء الله.
وأضاف الرداد متحدثا عن سمير غانم قائلا: قلبه تحس كله طيبة وبراءة وتقعد معاه مش هتعمل غير إنك تضحك وتتبسط وخلاص.
استحالة هيصدر منه أى كلمة تضايقك.
كان راجل متسامح إلى أقصى حد.
وماشاء الله كان خير أوى أوى، كان بيعمل خير لله كتير.
التعليقات (0)
لا توجد تعليقات حتى الآن. كن أول من يعلق!
أضف تعليقك