ميرفت أمين لـ اليوم السابع: رجاء الجداوى إحنا تلاتة دايما ونزعل أوى لو كنا اتنين

استرجعت النجمة الكبيرة ميرفت أمين ذكرياتها مع صديقتها الفنانة الكبيرة الراحلة رجاء الجداوى، حيث حكت وهى متأثرة بشدة خلال مداخلة هاتفية لتليفزيون اليوم السابع، عن العديد من الذكريات التي جمعتهما، وذلك بالتزامن مع ذكرى رحيلها الـ6 التي تحل اليوم الأحد 5 يوليو.

وقالت أمين في مداخلة هاتفية لتليفزيون اليوم السابع: " هى طبعا على طول جوة قلبى، ومعايا مش قادرة أقولك كانت أد إيه حلوة ومبتسمة على طول ومبسوطة على طول.

كانت حاجة حلوة أوى فى حياتى".

وعن أبرز المواقف التي جمعتهما، قالت النجمة ميرفت أمين لتليفزيون اليوم السابع: " كنا بنتحرك مع بعض في كل حتة.

في فيلم" أصعب جواز"، ده وهو أول تعاون يجمعنا كنا مع بعض ووقفت وقتها جنبى ووجهتنى.

وكانت نعمة الأخت ونعمة الصديقة.

مش هقول زميلة لإن وضعها بالنسبة لى حاجة تانية خالص".

وأضافت النجمة الكبيرة ميرفت أمين لتليفزيون اليوم السابع وهى باكية، قائلة: " إحنا كنا تلاتة.

فهى كانت جيبالى هدية كدة.

وكاتبة عليها" إحنا تلاتة دايما ونزعل أوى لو كنا اتنين".

يعنى أكتر من الكلام عليها أفلامها موجودة كلها.

كلها أفلام جميلة ومسلسلات جميلة.

وكانت بتحب الكوميدى أوى.

لإنها بطبيعتها بشوشة ودمها خفيف".

ميرفت أمين باكية لتليفزيون اليوم السابع: رجاء الجداوى لسة عايشة فى قلبىأحيت النجمة الكبيرة ميرفت أمين ذكرى رحيل صديقتها الفنانة الكبيرة الراحل رجاء الجداوى، والتي تحل ذكرى رحيلها الـ 6 اليوم الأحد 5 يوليو، وقالت أمين في مداخلة هاتفية لتليفزيون اليوم السابع: " طبعا من الصعب أوى الكلام عن رجاء أو روجة.

وأنا ما بعتبرش إنها رحلت.

طول ما الإنسان موجود بأعماله الإنسانية وتاريخه الحلو الجميل وكمان ذكرياته الحلوة".

وأضافت النجمة الكبيرة ميرفت أمين لتليفزيون اليوم السابع قائلة: " إحنا أتقابلنا أول مرة فى فيلم كان اسمه" أصعب جواز"، هو بيتعرض كتير في التليفزيون بإستمرار.

فيلم كوميدى لذيذ.

إحنا بتجمعنا صداقة مش زمالة.

كنا بنتحرك تقريبا مع بعض في كل حتة.

يلا بينا هنروح مش عارفة فين.

يلا نروح الأوبرا.

يلا هنروح نتعشى.

لينا ذكريات كتيرة أوى.

كنا على طول مع بعض.

أتقابلنا كمان مع بعض في أخر فيلم ليها وهو" أعز الولد".

أول وأخر محطة فنية جمعت ميرفت أمين والراحلة رجاء الجداوىورحلت الفنانة الكبيرة رجاء الجداوى يوم 5 يوليو عام 2020 متأثرة بإصابتها بفيروس كورونا، حيث مكثت فى المستشفى ما يقرب من شهر تعانى من مضاعفات هذا الفيروس إلى أن رحلت عن الحياة، وقدمت أول تعاون جمعها بالنجمة ميرفت أمين من خلال فيلم" أصعب جواز"، من تأليف وإخراج محمد نبيه، عام 1970، وجمعهما أيضا أخر تعاون من خلال فيلم" أعز الولد"، تأليف شريف نجيب وجورج عزمى، وإخراج سارة نوح.