أكد محمد هاني، لاعب منتخب مصر، أنه اعتاد على الانتقادات والسخرية خلال مشواره الكروي، مشددًا على أنه يتقبل ذلك طالما يؤدي واجبه داخل الملعب، وموجهًا الشكر للجماهير التي حرصت على دعم المنتخب خلال منافسات كأس العالم.
وقال هاني، خلال ظهوره في برنامج" الحكاية" على قناة MBC مصر: " أنا في مشواري في الكورة بحس إن الموضوع ده بيحصل معايا كتير، إن الناس تهزر عليا، وأنا بتقبل ده جدًا".
: " الماتشات كانت الساعة 4 الفجر، والناس كانت بتصحى تتفرج علينا رغم إن عندهم شغل بعد شوية، وبيشجعونا، فمينفعش أضايق مهما الناس قالت كلام سلبي أو كلام مش حابه، دوري إني أشتغل، وأنا عندي أهلي وصحابي وناس مؤمنة بيا، وشفت دعم عمري ما شفته قبل كده".
وتحدث عن تسجيله هدفين بالخطأ في مرمى منتخب مصر خلال كأس العالم، قائلًا: " إحساس وحش جدًا إنك تتسبب في جون في منتخب بلدك، ومحصلتش معايا في تاريخي كله غير في الماتشين دول، فكرة إنك بتمثل بلدك في كأس العالم وتجيب جون في نفسك بالنسبة لي حاجة كبيرة جدًا، والموضوع كان صعب أوي، لكن أنا بتحمل المسؤولية".
وكشف هاني كواليس ركلات الترجيح أمام أستراليا، قائلًا: " لما وصلنا لضربات الجزاء قدام أستراليا، كنت بقول للعيبة اللي جنبي: محدش يضيع يا جماعة، مينفعش والله، عشان الجول اللي سجلته في نفسي، وعشان مشيلش الليلة.
والحمد لله ربنا سترها وعدت على خير، وربنا مضيعش تعبي".
وأشاد بزميله وقائد منتخب مصر محمد صلاح، مؤكدًا: " صلاح في حتة تانية خالص، بعيد عن أي حد زاملته أو لعبت معاه، دماغه مختلفة تمامًا، بعيدًا عن الكورة كمان، أي حاجة ممكن تسأله فيها، تلاقيه بيكلمك من زوايا تانية إنت مش شايفها".
واختتم تصريحاته قائلًا: " هو ثقف نفسه واتطور بشكل كبير، ومش في الكورة بس، عقليته هي اللي مميزاه عن أي حد، ومش هقولك في مصر، ده حتى في أوروبا، دايمًا سابق بخطوة، وبيشوف أدق التفاصيل اللي تزوده وتخليه أحسن، وهو من الناس اللي وقفوا جنبي واتكلموا معايا بعد ما سجلت الجونين في مرمانا".
" وصلتي عروض".
هيثم حسن: والدي زملكاوي وشجعني للعب مع منتخب مصر.
التعليقات (0)
لا توجد تعليقات حتى الآن. كن أول من يعلق!
أضف تعليقك