تحدث النجم ياسر جلال عن أهمية الفنان المصرى كقوة نعمة نفخر بها أمام باقى الدول العربية، حيث قال فى تصريحاته لتليفزيون اليوم السابع: " بحس إن الفنانين دول ثروة كبيرة جدا جدا.
مصر ممكن تُباهى بيهم قدام كل العالم العربى.
إحنا المفروض نفتخر بفناننا قدام كل المنطقة العربية.
لإن مصر بلد الفن خَرَجّت فنانين كبار رحلوا، وفنانين كبار مازالوا موجودين، وفنانين شباب واعدين طالعين فى ظروف صعبة جدا".
وأضاف النجم ياسر جلال فى تصريحاته لتليفزيون اليوم السابع: " أنا راجل فنان مؤمن بدور الفن.
محب لزمايلى جدا وأتمنالهم كل خير وكل حاجة حلوة.
أى زميل ينجح.
أى زميل يَحُصل على جائزة أو يَحُصل على أى نوع من التقدير كأن أنا اللى خدته بالظبط.
أنا بحترم زمايلى جدا وبحترم مهنتى جدا".
وتابع جلال خلال حديثه لتليفزيون اليوم السابع قائلا: " كلنا فنانين إحنا في غاية البساطة.
كلنا بنحب بعض وبنحترم بعض وبنحترم جمهورنا وبنحب بلدنا ورئيسنا وجيش بلدنا وشرطتنا.
بنحب بلدنا ومؤسسات الدولة وإحنا في ضهرها دايما.
ونفدى أرواحنا فدى تراب بلدنا.
وإحنا ناس بسيطة جدا.
إحنا بشر.
الفنان ده بشر.
الواحد ممكن يغلط.
ممكن يتلخبط.
بنى آدم طبيعى.
قدره ونصيبه إن يبقى تحت الأضواء.
لكن هو فى النهاية هو ثروة كبيرة لازم نُباهى بيها ونفتخر بيها".
التعليقات (0)
لا توجد تعليقات حتى الآن. كن أول من يعلق!
أضف تعليقك