وأشار إلى أن جسم الإنسان مبني على التوازن، وليس الإقصاء، متابعا: " في علم التغذية، مفيش تصنيف اسمه أكل ممنوع مطلقًا لشخص سليم، لكن فيه كمية وتوقيت وسياق.
واستطرد أخصائي التغذية العلاجية والرياضية: " الحرمان بيشتغل ضدك نفسيًا وفسيولوجيًا.
لمَّا تمنع نفسك تمامًا من أكل معين، الدماغ بيزود التعلّق بيه، وده مرتبط بتنظيم الشهية في عملية الأيض والهرمونات زي اللبتين والجريلين.
والنتيجة شراهة مفاجئة، أو ما يُعرف بنوبات الأكل، يليها شعور بالذنب، ثم محاولة نظام أشد… وهكذا".
وتابع القيعي: " كمان، استبعاد مجموعات غذائية كاملة بيحرم الجسم من عناصر مهمة.
الفاكهة مثلًا مصدر فيتامينات ومضادات أكسدة، والخضروات غنية بالألياف اللي بتدعم الميكروبيوم المعوي—وده عنصر أساسي لصحة الهضم والمناعة".
المشكلة مش في نوع الأكل، لكن في طريقة التعامل معاه: كميات غير محسوبة، أكل عاطفي، أو غياب تنظيم الوجبات.
بدل ما تقول “ممنوع سكر”، خليها “سكر باعتدال”.
إدخال كل الأطعمة بكميات محسوبة بيقلل الرغبة الشديدة وبيحافظ على الاستمرارية.
80% من أكلك يكون صحي ومتوازن، و20% مساحة مفتوحة بدون تأنيب ضمير.
ده بيخلق علاقة صحية مع الأكل.
وجبات منتظمة فيها بروتين + دهون صحية + ألياف بتساعد على الشبع وتثبيت مستوى السكر في الدم.
التعليقات (0)
لا توجد تعليقات حتى الآن. كن أول من يعلق!
أضف تعليقك