أحمد سعد يقرر حلق ضفائر شعره: "عاوز أعيش في سلام"

فاجأ الفنان أحمد سعد جمهوره ومتابعيه، بحلاقة شعره وبالأخص" الضفيرة" و" التوك" التي قام بتركيبها في ذقنه، والتي ظهر بهما مؤخرا في إحدى حفلاته الغنائية، وتعرض لانتقادات من قبل جمهوره ورواد السوشيال ميديا.

أحمد سعد يعتذر للجمهور بسبب مظهره الغريبوتحدث أحمد سعد مع جمهوره ومتابعيه من خلال مقطع فيديو نشره عبر صفحته على" فيسبوك" وقال: " عاوزكم تكونوا معايا في اللحظة دي وتساعدوني فيها، وأنا خلاص بطلت كل حاجة غريبة ومش هعمل أي حاجة غريبة، أي حاجة تزعل جمهوري اللي بحبه وطبعا هتقولوا لي كل شوية يعمل حاجات ويرجع يعتذر".

مضيفا: " مش مهم انتوا هتقولوا ايه؟ ، المهم أن أنا مش هلاقي الجمهور زعلان مني في أي حاجة تاني في حياتي، وأنا طلعت وقلت إن أنا مش مزعل ربنا، ولكن أنا عايش وسط مجتمع والعرف فيه شيء مهم جدا ومش عاوز أعمل حاجات غريبة وعايز أعيش في سلام وأبقى عادي إنسان طبيعي".

واختتم حديثه قائلا: " حتى لو شغلانتي بتخليني أعمل كدة، بقول للناس تسامحني وربنا بيقبل من أي حد عاوز يتوب وسط المجتمع ويعيش في سلام، أحسن كتير إنك تعيش في سلام شيء مهم جدا، عاوز أقول للناس اللي قالت ليه عامل كدة سامحوني للمرة العشرين ألف بس أعمل ايه بتحبوني وبحبكم".

انتقادات تطال أحمد سعد بسبب أزيائه المثيرة للجدل في حفل الغردقةوطالت الانتقادات الفنان أحمد سعد بعد ظهوره بزي مثير للجدل، خلال حفله الغنائي الذي أقيم في الغردقة، بالتزامن مع احتفالات عيد الأضحى المبارك.

وظهر أحمد سعد كعادته بأزياء مثيرة للجدل، مرتديا طقم كاجوال وربط بدقنه عدد من التوك إلى جانب ظهوره بضفيره وبشكل غريب وتعرض بسبب الإطلالة للعديد من الانتقادات.

وواجه الفنان أحمد سعد العديد من الانتقادات من قبل جمهوره وعلقوا: " الكهربا قطعت وإنت بتحلق ولا ايه يا فنان، مالك يا أحمد فيه ايه؟ ، هو شعرك ده عادي، اختياراتك مدمرة حياتك فعلا، كله عشان الترند، لا تعليق يا أحمد يا سعد، علي فكرة يا أحمد إنت صوتك حلو وأغانيك حلوة وموهوب يعنى مش محتاج بجد اللي انت بتعمله ده علشان تبقي تريند، متقفلنيش منك يا احمد الله يخليك".

صور.

هاجر السراج تخطف الأنظار في أحدث ظهور مع زوجها في البرتغال.