أجابت النجمة الكبيرة صفية العمرى على عدد من الأسئلة التي وجها لها تليفزيون اليوم السابع، خلال مداخلة هاتفية تحدثت فيها عن عدة أمور، كان منها شائعة وفاتها التي فوجئت بها.
وبسؤالها عن الفنانة التي تشبها حاليا عندما تشاهدها أو تذكرها بنفسها من فنانات الجيل الحالي الشابات، قالت العمرى في مداخلة هاتفية لتليفزيون اليوم السابع: " بشوف فنانات كتيرة وبتعجبنى.
لكن عايز أقولك مفيش حد بيشبه حد ممكن يبقى أحسن.
لكن ما يشبهوش.
ربنا خلق كل واحد مختلف عن التانى.
فماينفعش حد يبقى شبه حد أو يقلد حد".
وأضافت العمرى لتليفزيون اليوم السابع قائلة: " فيه أمينة خليل هايلة جدا بتعجبنى جدا.
وأنا بقالى فترة طويلة مش بتابع حاجة فى التليفزيون.
أنا مش من النوع اللى أقعد قدام مسلسل أو فيلم.
لكن لما بيتقال على اسم حاجة كويسة بقعد أشوف وأتابع".
صفية العمرى: الشاشة وحشتنى لكن أنا موجودة على طول بأعمالى الـ 103 فيلمتحدثت النجمة الكبيرة صفية العمرى عن رغبتها في العودة للشاشة سواء السينما أو الدراما التليفزيونية، حيث كشفت خلال مداخلة هاتفية لتليفزيون اليوم السابع موقفها من التواجد في أعمال جديدة من عدمه.
وقالت صفية العمرى في مداخلة هاتفية لتليفزيون اليوم السابع: الشاشة بشكل عام وحشتنى أكيد، لكن أنا موجودة على الشاشات على طول بأفلامى ومسلسلاتى" المهاجر والمصير والمواطن مصري".
عملت مع يوسف شاهين فيلمين، وصلاح أبو سيف فيلمين.
وحسن إبراهيم فيلم" البيه البواب".
دى كلها كانت حاجات مهمة طبعا فى تاريخى.
عملت 103 أفلام.
غير مسلسلات كتير مهمة زى" ليالى الحلمية والأصدقاء وعفاريت السيالة" وغيرهم".
وأضافت صفية العمرى في تصريحاتها لتليفزيون اليوم السابع قائلة: كان ليا فيلم آخر حاجة منذ عدة سنوات وهو" كان ليك معايا"، وهو فيلم روائى قصير وفوزت على دورى فيه بجائزة مهمة.
التعليقات (0)
لا توجد تعليقات حتى الآن. كن أول من يعلق!
أضف تعليقك