لميس الحديدي: لازم ناكل النجيلة أمام الأرجنتين.. والتأهل لربع النهائي ممكن

أكدت الإعلامية لميس الحديدي، أن الشارع المصري يعيش حالة من الترقب للقاء التاريخي بين منتخبي مصر والأرجنتين في دور الـ16 من كأس العالم، قائلة: «المصريين في حالة ترقب وانتظار، وأنا متخيلة الشوارع إزاي هتبقى فاضية، وإزاي الناس كلها هتبقى قاعدة قدام الشاشات، وكل المصريين، وإحنا شعب دمه خفيف، بيفكروا في خطة لإيقاف ميسي، ويحطوا معاه تلاتة يراقبوه».

وقالت لميس عبر برنامجها «الصورة» المذاع على شاشة «النهار»، مازحة: «مش بس كده، الشعب المصري قاعد في حالة ترقب، ويقولوا يمكن يخرج بإصابة، لكن لا، هيلعب، هيلعب، وإحنا عارفين إننا هنلاعب حامل اللقب».

وأكملت: «التركيز على ميسي تعبير عن القلق منه، وهو من أبرز نجوم المونديال مع هالاند اللي كان عامل مباراة رهيبة امبارح، وبيقدم مستويات استثنائية».

تأهل مصر لدور الـ16 من المونديال إنجاز غير مسبوقوأتمت: «المباراة صعبة لأننا هنواجه بطل كأس العالم في النسخة الماضية، لكن إحنا عملنا إنجاز مهم على الأقل انتقلنا من مرحلة التمثيل المشرف اللي اتعودنا عليها لفترة إلى دور الـ16، وكان المفروض نوصل لدور الثمانية في نسخ سابقة، وده إنجاز غير مسبوق».

وأضافت الإعلامية لميس الحديدي: «لكن لازم يكون فيه طموح وهدف وحلم، لو نزلنا الملعب وإحنا خايفين ومرعوبين، أو بنقول ليس بالإمكان أفضل مما كان، النتيجة هتكون معروفة، لكن لازم يكون عندنا أمل وجهد وهدف، ونلعب مباراة ترضي الجماهير وترضي أنفسنا، ونقول إحنا بنلعب قدام ميسي وحامل اللقب».

وتابعت: «لازم ناكل النجيلة عشان نحقق ما يمكن تحقيقه، ولنا أسوة بمنتخب كاب فيردي، اللي قدم أداءً رائعًا أمام الأرجنتين؟ هل ممكن نروح دور الثمانية؟ ممكن طبعًا».