علق مجدي عبد الغني، نجم الأهلي وؤ السابق، على الإنجازات التي يحققها المنتخب الوطني في كأس العالم 2026، مؤكدًا أن هدفه التاريخي في المونديال سيظل محفورًا في ذاكرة الكرة المصرية مهما تغيرت الأرقام والإنجازات.
وقال مجدي عبد الغني في تصريحات خاصة لـ" مصراوي" اليوم الإثنين: " يا عم كلها تهريج، خد بالك أصل التاريخ ما بيتنسيش.
ما حدش يقدر ينسى التاريخ، إحنا كلنا بنهزر وبنعمل منافسة شريفة بينا وبين بعض.
إحنا عملنا اللي علينا وجبنا جون، والجون بتاعي قعد سنين طويلة جدًا وما حدش قدر يجيب جون في كأس العالم.
"وأضاف: " دلوقتي الوضع اختلف، وأنا سبق وقلت إن جياني إنفانتينو قلل من قيمة كأس العالم بعد زيادة عدد المنتخبات المشاركة إلى 48 منتخبًا.
"وتحدث عبد الغني عن قائد منتخب مصر محمد صلاح، مشيدًا بما حققه خلال مسيرته الاستثنائية، قائلًا: " محمد صلاح أسطورة من أساطير كرة القدم اللي لن تتكرر.
محدش هيعرف يعمل اللي عمله محمد صلاح، ولا حد عرف يعمله قبل كده، وهنقعد سنين طويلة جدًا عشان ييجي لاعب يكسر اللي حققه.
"وشدد نجم المنتخب السابق على أن هدفه في كأس العالم سيظل جزءًا من تاريخ الكرة المصرية، قائلاً: " هدفي ده تاريخ، وما حدش يقدر يمسحه نهائي، دي حقيقة حصلت وهتفضل موجودة في التاريخ.
"ويُعد هدف مجدي عبد الغني في شباك هولندا خلال كأس العالم 1990 أحد أبرز اللحظات التاريخية في سجل مشاركات منتخب مصر بالمونديال، قبل أن ينجح الجيل الحالي في تحقيق أول فوز للفراعنة بتاريخ البطولة بعد الانتصار على نيوزيلندا بنتيجة 3-1 في نسخة 2026.
قبل صدام كأس العالم.
تاريخ مواجهات مصر وإيران.
التعليقات (0)
لا توجد تعليقات حتى الآن. كن أول من يعلق!
أضف تعليقك